Baie dankie Willa & JanDink. Baie opgewonde oor die boekie van woorde en sal baie graag weer 'n afdeling daarin wil sien vir nuwe Afrikaanse woorde wat ons kan toepas in die alledaagse gebruik, om te kommunikeer.
Willa ek het ook gou 'n bietjie gaan graaf opsoek na 'n moontlike oorsprong van waaruit jou lys met woorde kom, heelaas kom hierdie woorde in verskeie weergawes op soveel erwe voor
Wat ek wel opgespoor het (wat ons baie sal help met plasing van die wat ons graag wil gebruik/of ander weergawes skep) is die toestemming wat ek gehad het met die plasing van sommiges van hierdie woorde vir ons ou woordeboek.
Iemand (onseker wie dit was
) het om en by 4 jaar gelede, toestemming gevra om dit vir my aan te stuur om te mag gebruik met erkenning.
http://praat-afrikaans.co.za/index.php?option=com_kunena&Itemid=34&func=view&catid=7&id=102In die stuk hier onder het ek heelwat van die
(Neologismes) nuwe Afrikaanse woorde toegepas met 'n verduideliking wat elkeen beteken.
Brandgevaar tussen 18 en 81 Ons hele cowboydorp is oornag in beroering gebring. Kom hier toe mos so ewe 'n
semelknaap met toutjies-hare uit een of ander Gamorra eiland met 'n sak vol dollars aan en koop die stuk grond net buite die dorp van oorle Hans. Die agentjie het nog skaars die 'for sale' bord ingekap toe verf hy 'sold' so dwarsoor. Vryf sy hande aanmekaar en hou nie op met glimlag oor die maklike kommisie losgeslaan. As hy kon sing soos Bles het hy seer sekerlik 'n
triltrolgesang aangehef van dankbaarheid.
Die oorhoekse tienermeisies van die dorp loop giggelend en vertel die nuweling is 'n
oogplesiertjie soos nou lanklaas te vinde was op die gevrekte ou plek. Die verveelde lotjie
kletskunstenaars by die vroue unie klink of hulle almal hom skelm sal aanhou as 'n
lolliepappie en mevrou Dominies het haar leë hande skielik weer vol.
Sy loop net en waarsku teen die
sesvoet-kiem. Die laat daar nou so beroering is want skielik onthou almal so helder soos gister, toe daardie loslit enetjie met die getiesde vierkleur-hare hier kom amok maak het op die dorp. Sy was nou vir jou 'n
Alleman's Koekoekie.
Ek probeer natuurlik so in die stilligheid agterkom of hy nou die oorgewillige hennetjie se eweknie in manlike vorm gaan wees en sy eie bordjie by die ingang opslaan:
Dompelpompie te huur! So ietsie vir die vrou se oog wat dwaal.
Ou Mien vertel sy het die nuweling onder bespreking net so skrams een of twee loere gegee en toe gedink hy lyk vir haar soos een van die
bollie-patrollie of
wit-troon-poetsers uit ons jongdae. Pure hanskakie.
Outop het die hele storie so beluister en toe ewe droog afgehak hy is nou geen
kreukelkamer-kenner nie maar die knaap lyk vir hom altevol soos 'n vuurhoutjie onder die invloed van viagra - gaan 'n klompie lonte aan die brand steek en dit voorspel brandgevaar.
Nou sit ek die storie maar hier en inwag. Daar is heelwat boere met kaf op die lande. En soos ek die vroue so bekyk wat nou skielik nuwe haarstyl en
genaderokkies aanskaf wissel die mannetjie se keuse so tussen 18 en 81.
© Meraai vannie baai
Proeswoorde se betekenis:
* 'n Washout = semelknaap
* Yodel = triltrol-gesang
* Vroulike prostituut = Alleman's koekoekie (gewillige hennetjie onder al die hane van die dorp se erwe)
* Manlike prostituut = dompelpompie te huur
* Vigs = sesvoet-kiem
* Toiletskoonmakers = wit-troon-poetsers of die bollie-patrollie
* Sugardaddy = lolliepappie
* Vrouens = kletskunstenaars
* Hunk = 'n oogplesiertjie
*Breinspesialis = kreukelkamer-kenner
*Minirok = genaderokkie
