Die Afrikaanse Forum se eerste boek.

[PM]

Dankie vir julle ook.  As dit nie vir die lede is nie sal die forum nie bestaan nie. 

Dit gaan 'n mooi boek wees om op trots te wees.  Ons het ook die "help mekaar" hoekie waar ons gedigte of stories kan plaas as ons wil hê almal moet voorstelle maak om ons werk te verbeter en uit die aard van die saak sal dit help met die proeflees ook. 

Nooi die persone wat Engelse gedigte het en dan kan hulle dit in hul eie plekkie plaas. 

Ek het 'n vriendin wat in Holland woon en sy vra of sy asseblief ook kan bydraes maak in Nederlands.  As iemand besware het moet hulle asseblief kom praat. 

[Angelica]

Absoluut, PM. Natuurlik kan jou vriendin ook haar bydrae maak. Ek is seker niemand sal beswaar he nie. Hierdie boek is al lankal 'n droom van jou. Go for it, girl. Ons gee ons beste pogings vir jou.

[PM]

Baie dankie Angelica.   

Daar het soveel ander verpligtinge in die ry gestaan,  nou het ek die geldjie onder die matras en niemand gaan dit kry nie.  Net ons vir die boek!   

Marion is tans met verlof,  sy sal binnekort terug wees.  In Holland is 'n hele paar bydraes van haar in vrouetydskrifte opgeneem. 

[Fransi]

 

Dit sal so lieflik wees.

Ons is tans besig om 'n huis te koop en daar bly goeters opduik ( o.a 'n stofsuier, grassnyer- ek het per ongeluk die klein grassnyer gebreek/uitgebrand ens.), maar sodra ek einde van die maand sien of daar 'n geldjie oor is, sal ek inbetaal, sodat ek ook hier kan plaas. :-)

[PM]

Fransi,  ek glo dit gaan nog maande neem.  Daar sal genoeg tyd wees om elke maand 'n ietsie weg te sit vir 'n blaadjie of twee of drie. 
Huiskoop is nie pêrekoop nie!     Daar gaan nog 'n lelike klomp goggas hul koppe uitsteek!  Laat hierdie ou tannie maar nou vir jou vertel!  Dit is elke sent die moeite werd!  Ek persoonlik glo dat 'n eiendom die beste belegging is wat 'n mens kan maak!  Ploeg my liefie en saai diep!  Julle sal die vrugte pluk! 
Mag ek die eerste ou wees wat sê:  Hartlik geluk!  Nou sal julle vir die eerste keer belê in jul eie belange!  'n Mens kan altyd nog later 'n bydrae maak tot 'n boek, of selfs jou eie boek uitgee.  Nou moet jy eers jou voet in die deur sit en jou "kleim" afbaken. 

[PM]

Julle, ek wens julle kan dit sien!!!!!     Ons het gister die eerste proewe gedoen met een van die gedigstrukture.  Dit is fantabbilooslik mooi!  Ek is soooo opgewonde!   

A 4 grootte  ('n folio) op sy sy,  noem ons mos "Landscape".
'n Foto van 'n sonsondergang,  dof en dit lyk soos 'n waterverf skildery,  met die woorde in roesbruin daaroor geskryf. 
Gee kans,  ek sal probeer om 'n foto te neem en dit op te sit sodat julle kan sien hoe dit lyk.

Die boek sal in volkleur wees en elke skrywer wat deelneem kan sy eie kunswerk kies vir die agtergrond. 

Ek is besig om te onderhandel vir die beste prys en sal dit deurgee sodra ek die finale woord gekry het.  Die ouens wat dit self op pdf kan plaas of iemand anders het wat kan help, kan dit natuurlik self doen. 

[Fransi]

 

Jammer PM dat ek nou eers jou mooi woorde sien. Baie dankie. Dit is heerlik sover, maar baie harde werk en soos jy sê duik daar die heel tyd iets op. Ons het nou al soveel dinge ontdek wat onder al die boskasies weggesteek was. :-)
'n Ordentlike heining is die eerste prioriteit op die oomblik. Ek het geen idee gehad dat 'n heining so baie kan kos nie, maar dit is alles goed, want dit is vir ons eie plekkie. Ek kan nie wag vir die tyd wat ons met die kreatiewe deel kan begin nie- soveel idees. :-)

Ek is baie opgewonde om die foto te kan sien.

[PM]

Harde werk maar groot vreugde! 

Ons is nou met vakansie tot die einde van die maand.  Sodra ek tuis is kom plak ek 'n foto'tjie of paar.