Author Topic: ek is lus om te "stir" vanoggend (Read 12665 times)

Lox · « **on:** October 24, 2011, 08:19:50 AM »

http://www.dieburger.com/Suid-Afrika/Nuus/Spogskool-laat-hare-rys-oor-matrieks-se-boskasies-20111023

Spogskool laat hare rys oor matrieks se boskasies
2011-10-23 22:42

Artikelopsies
Deel
Kry Die Burger op

Jan Gerber

Matriekseuns aan die Hoërskool D.F. Malan in Bellville kon Vrydag eers hul eksamennommer vir die eindeksamen kry ná ’n draai by die haarkapper.

Die ontstelde ma van een van die seuns, wat nie haar naam wil noem nie omdat sy hom nie “verder wil verneder nie”, het gister aan Die Burger vertel haar seun en sowat 10 tot 15 ander seuns moes Vrydag hoor hulle mag nie hul eksamennommers kry wat op die antwoordstelle vir die eindeksamen ingevul moet word nie, omdat hul hare te lank is.

Volgens die ma was haar seun se hare nie besonder lank nie, maar dit het aan sy kraag geraak.

Hy het haar omstreeks 08:40 ontsteld gebel en die situasie verduidelik. Sy het hom aangeraai om maar sy hare te laat sny en dan terug te keer na die skool vir sy eksamennommer. Dit is toe wat hy gedoen het.

Hoewel sy glo hy mag nie verbied word om eksamen te skryf nie, wou sy nie só ’n kans waag wanneer hy vanoggend vir sy Engelsvraestel by die skool opdaag nie.

Sy het gesê sy kan nie begryp waarom hy in die eksamentyd aan só iets onderwerp moes word nie. Sy meen die skool is kleinlik daaroor.

Die skoolhoof, me. Joh Dorfling, het gister bevestig sommige seuns is hul eksamennommers geweier totdat hul haarlengte aan skoolvoorskrifte voldoen het.

“Dit is gedoen om hulle te beskerm,” het sy gesê en verduidelik die Wes-Kaapse onderwysdepartement (WKOD) vereis dat leerders tydens die eindeksamen netjies en in skooldrag moet wees.

Sy was bevrees dat van die leerders in die sop kon beland by die monitors wat die eindeksamen dophou indien hulle nie netjies is nie. Sy het te kenne gegee dat die leerders nie verbied sou word om hul eksamen af te lê indien hulle nie hul hare gesny het nie.

Na Dorfling se wete het al die seuns teen Vrydagmiddag hul nommers bekom.

“Ek kan regtig nie sien waar die skool verkeerd is nie,” het sy gesê.

“Hoekom sal ’n ouer nie wil hê haar kind moet netjies lyk nie?” het sy gewonder.

Die WKOD kon nie gister vir kommentaar bereik word nie.

Trapsoetjie · « **Reply #1 on:** October 24, 2011, 10:41:52 AM »

Ek het ook soort gelyke ding oorgekom.

Nou nie met lang hare nie.

Ek het dit nie so mooi hanteer soos die moeder nie. Ek het die skool gebel en gevra of hulle groot amok wil hê of wil voorkom, want as ek daar in storm sal al wat 'n tafel is om gegooi word en ek sal seker maak dat die wereld daarvan te hore sal kom. Die onderwyser was toe heel tegemoetkomend.

Ek dink dis skandelik dat skole of onderwysers nog meer druk op die kinders sit. Dis wanneer ek baie lief is om die druk in 'n spieel beeld terug te stuur.

Naas · « **Reply #2 on:** October 24, 2011, 11:07:40 AM »

So tjop die onderwysers en die skole maar net af.
Die matriek leerling is onderworpe aan die skool se reels tot hy sy laaste eksamen klaar geskryf het.
As die skool een van die reels laat "gaan" is daar chaos wanneer al die ander ook oorboord gegooi word. Een van die groot probleme in SA skole is juis die feit dat ouers nie meer die skool se dissipline ondersteun nie en ALTYD die leerder se kant kies. Daarmee se ek nie die skool is nooit verkeerd nie maar reels bly reels en hulle is juis daar om die leerder dissipline te leer.

Maar nou ja. Soos die onderwysers en die skole op die oomblik verneder en geboelie word deur leerders wat baas is oor hul ouers wil geen onderwyser wat sy sout werd is meer in die beroep wees nie.
Kom ons los die hare, kleredrag en netheid en verkoop dagga aan die leerders by die skoolhek sodat hulle lekker op 'n trip kan gaan terwyl hulle eksamen skryf.
Die stert swaai hoeka lankal die kat rond.
Viva leerders! Viva!!!!

Lox · « **Reply #3 on:** October 24, 2011, 11:13:59 AM »

wanneer het dit verander of was ons en die onnies in ons jong dae onder verkeerde indruk?

Na ons laaste dag het ons nie meer skoolklere aangetrek nie en is daar nie meer gebodder oor ons hare nie. Ons hare was korterig agv haar inspeksie kort na sept eksamen.

Ons kon en wou nie droogmaak nie want ons kon uit die koshuis geskors word en waar gaan jy dan bly om eksamen te skryf. Ek wou so gou as kan met skool klaar maak want ek het nie juis van skool gehou nie.

Ek het my eindeksamen kaalvoet geskryf. dit het gehelp in die wiskunde want toe kon ek op my tone ook tel.

Naas · « **Reply #4 on:** October 24, 2011, 11:49:35 AM »

Plaasskool?

Lox · « **Reply #5 on:** October 24, 2011, 12:13:48 PM »

nee landbouskool op riversdal.

PM · « **Reply #6 on:** October 24, 2011, 12:38:56 PM »

Die vraag is eintlik of vandag se ouers besef wat die verpligting van 'n ouer is.

Jy moet jou kind so groot maak dat daardie kind die aanslae van die lewe kan hanteer. Die doel van 'n ouer is om 'n kind gereed te kry om sy eie plek in die samelewing te kan vol staan. Hy moet weet dat hy/sy die volgende leiers van die land is; die volgende ouers wat weer op hulle beurt moet kinders grootmaak. Hou dus by die klein reëltjies, dan sal die grotes vir hulself sorg.

'n Ouer wat enige reëls en regulasies teenstaan, besef nie hoeveel verwarring hy/sy by sy kinders kweek nie. In ons dae sou jou alie gebrand het as jy nie by die reëls gehou het nie, niemand het ondersoek ingestel oor hoe regverdig dit is nie. Hou net daarby.

Angelica · « **Reply #7 on:** October 24, 2011, 07:19:09 PM »

Dit is nou nie asof die leerder klaar is met skool en kan chill nie, hy is net besig om eksamen te skryf.
Alle reels geld nog steeds al gaan jy nie meer elke dag klas toe nie.
Daar is 'n helse verskil in die dissipline van toet toe ons in matriek was as nou. Om die waarheid te se, daar is amper geen disipline meer nie.
Hoekom? Die ouers kan hul bloedjies nie meer hanteer nie en moet daarom met alles saamstem om in die kinders se goeie boekies te wees.
As jy vir een kind oorsien en hy laat sy hare groei en in die aller wildste mode kam (?) of jel, sal die res soos 'n trop wille perde uitbreek en alles op horings neem.
In elk geval, waarom kan die kinders nie nog 'n paar weke wag voordat hulle alles oorboord gooi nie.
Moet se, toe my kind op skool was het sy vriende gese hy het die coolste ma, want sy het nooit die leisels te styf gehou nie. Maar dit was toe. Nou is anders.

Chichi · « **Reply #8 on:** October 24, 2011, 09:14:50 PM »

Ek dink daar word 'n paar dingetjies bietjie misgekyk in die situasie, soos wat ek bedoel is dat die storie lyk dalk so maar daar is ander faktore wat in ag gebring moet word. Ek is self gladni teen skool reels nie, maar ek voel daar is 'n punt. Soos byvoorbeeld, as jy matriekafskeid wil hou, doen dit na matriek eksamen, want almal wat daar was het snaakse kleure hare en lang hare en naels en dinge, en ek weet dat die meisies wat ek gegrimmeer het het baie baie geld op hul pragtige haartjies spandeeer om dit so mooi te maak, maar om eksamen te kon skryf moes sy dit terug kleur. Nou ek is regtig nie iemand wat reels sommer breek of iets nie, maar dink julle nie dit is dan 'n groot mors van geld om dit nie toe te laat nie? Ek verstaan lang hare is 'n issue met die jong mans, en daar is perke in alles, maar ek kan nie dink dat dit so erg was dat hy dit dadelik moes sny nie, kon hy nie net 'n waarskuwing gekry het en gese het dit moet beter lyk die volgende keer wanr hulle hom sien nie? En dit is net hare, wat nog van die naels wat vir amper R300 gedoen was? wat nou ook afgehaal moet word?

maak dit wat ek se sin? of sit ek die pot heeltemal mis?

PM · « **Reply #9 on:** October 25, 2011, 03:44:57 AM »

Ek reken 'n mens moet altyd by die begin begin. Die begin is: hou by die reëls. As 'n mens eers gaan sit en dink hoe onregverdig of onsinnig sekere reëls en regulasies is, sal jy baie ongelukkig en gefrustreerd anderkant uitkom.

Chichi · « **Reply #10 on:** October 25, 2011, 03:27:04 PM »

Nee natuurlik is dit so.

Maar, ek voel steeds, hoekom die reels maak en dan dit so moeilik maak om die reels na te kom? Moet mens nie iewers in die lewe iemand iets gun nie? Of hoekom nie die reels so maak en so hou nie?

PM · « **Reply #11 on:** October 25, 2011, 03:41:58 PM »

Alles verander maar. Toe ons op skool was kon die leerlingraad netjiese rompe, sykouse en mooi hofskoene dra. Wat was nou regverdig daaraan? Ek sou graag al die matriekmeisies in daardie drag wou sien, met netjiese oorbelletjies daarby.
Ongelukkig het 'n mens nie altyd 'n keuse in alles nie en dit wat jy nie kan verander nie moet jy maar so aanvaar. Dit help nie om rebels te raak nie, want dit maak die lewe net vir jouself moeilik. Dikwels vir almal om jou ook.

Fransi · « **Reply #12 on:** October 26, 2011, 07:40:27 AM »

Dit laat my nou aan 'n eie ervaring dink. Ek is bietjie verstrooid en is eenkeer ook uit die eksamensaal gejaag- ek het vergeet om my naellak van die naweek af te haal. Ek was beslis verkeerd, maar voel tog dit kon op 'n minder vernederende manier gedoen gewees het. Normaalweg was ek regtig okay met die akademie- top vier in my standerd, maar daardie spesifieke vraestel het baie sleg gegaan, omdat ek so ontsteld was.

PM · « **Reply #13 on:** October 26, 2011, 11:32:58 AM »

Ongelukkig kry 'n mens mense wat so dom soos grond is. Dit was nou heel onnodig.

Lox · « **Reply #14 on:** October 27, 2011, 06:58:27 AM »

ek het dit nie teen die reëls self nakom nie, i reël moet nagekom word maar ek het dit teen die simpel reëls wat soms vir my nie sin maak nie. soos laas week by kaappunt wat die toergroep daar was wat 'n kameraman gehad het wat vir hulle 'n video ( DVD0 van hulle toer in suid afrika gemaak het en hy is verbied om dvd te neem maar fotos mag geneem word.

wat is die verskil, en deesdae se foto kameras kan ook dvd neem maar dis ok, maar met die video kamera mag daar nie afgeneem word nie.

so is die ou tydse hare reël vir skool seuns ook vir my, iets wat onnodig streng is, reëls wat gemaak was toe die mode pee pot style was en nou is die mode enigiets van skinhead tot lang hare. wie het besluit dat hare so kort moet wees, een wat jaloers is dat hy nie meer langer hare kan groei nie en bleskop is?

dis soos wat ons kerkraad tot onlangs ( so paar jaar gelede) nog die reël gehad het dat swartpak en wit das gedra moet word. na baie kere se probeer is dit darem uitgestem omdat tye verander het en die mense se gesindheid het ook verander omdat dit nei meer so rigied is dat jy moet swartpak dra nie. van verlede jaar november af is dit ook verander dat die kerkraadlede by hulle gesinne mag sit as hulle wil.

net so voel ek oor die skool reël wat in 1864 geskryf is oor hare lengtes vir seuns......nee wag in 1864 het die voortrekker leiers lang hare gedra, tot in die anglo boere oorlog ook en van hulle was goeie leiers met langer hare en al.

ok so voel ek oor die hare skool reëls wat seker in 1948 gemaak is ( na die oorlog en als militaristies was) en nou na 60 jaar is daar nog nie weer na die reëls gekyk om dit te hersien nie.
van die engelse skole het daai reël hersien en van hulle seuns het baie lang hare en ek glo op die lang duur is daar minder, baie minder onnodige konflik tussen die kinders en onnies want daar is nie so simpel reël wat afgedwing moet word nie.

ek het dit teen simpel en onnodige reëls wat sommige rigied toegepas word en ander glad nie toegepas word nie waarvan ek dink haarlengte vir seuns is so simpel onnodige reël wat onnodige konfilk en wrywing tussen kinders en onnies bring.

Naas · « **Reply #15 on:** October 27, 2011, 09:47:06 AM »

Ek hoor jou Lox Die "reel probleem" le eintlik veel dieper as net simpel reels. Dit gaan meer oor 'n opvoedingstaak en leer van selfdissipline.
Daar is baie wette in hierdie samelewing wat nie noodwendig op almal van toepassing is nie maar steeds nagekom moet word om die samelewing in vrede te laat saamleef. Daar is ook baie verkeersreels wat by tye nie sin maak nie maar wat tot die dood kan lei as dit op verkeerde tyd geignoreer word. In die weermag was daar ook onnodige reels maar dit het jou geleer om selfdissipline te handhaaf om jou uit die moeilikheid te hou en op ons grense het die outjies met die beste selfdissipline die beste oorleef.
As ouer/onderwyser/opvoeder/volwassene is dit ons plig om kinders selfdissipline te leer en deel daarvan is dan ook om by "onnodige" reels toe hou aangesien ons nie altyd die doel van alle wette en reels verstaan nie.
Kinders moet leer dat daar nagevolge/negatiewe reaksies/straf volg op verbreking van reels, selfs al is die reels op die oog af onnodig.
Wat hare en haarstyle aan betref. Net soos wat jy 'n goeie beeld na buite probeer uitdra deur netjies aan te trek kerk toe en jou motor gereeld was, net so het elke skool 'n standaard en 'n uniform om 'n goeie beeld uit te dra en om leerders selfdissipline/netheid/nakoming van reels te leer.
Jy is lank al uit die skool uit en verstaan dalk nie die lae, selfs totale gebrek aan dissipline en selfdissipline in die skole nie. Die probleme begin by die ouers wat op die ou end so skuldig voel omdat hulle kinders die baas in die huis geword het dat hulle, soos ons DF Malan ouer wat koerante toe hardloop oor 'n eenvoudige reel, al hulle speelgoed uit die kot uitgooi sodra die kind volgens hulle onregverdig "gestraf" word.
Al wat die kind moes doen was om, soos jy ook op skool gemaak het, te sorg dat sy hare aan die begin van die kwartaal so gesny is dat dit nog aan die einde aanvaarbaar sou wees volgens die reels. Daarna het hy die res van sy lewe om sy hare te sny.
Nou is die redenasie, "dis mos maar net hare. Waaroor gaan die bohaai?" As dit "mos maar net hare" was, hoekom word dit nie maar volgens die reels gesny nie. Dit kan mos later weer groei.
Jy sien. Die probleem le dieper as maar net hare...

Lox · « **Reply #16 on:** October 27, 2011, 07:16:02 PM »

Ok dankie vir die antwoord
maak sin wat jy seg

wat ek dan verder nie van hare verstaan nie

hoekom het baie mense hulle mond uit te spoel gehad ivm Frans Steyn se hare toe hy vir die springbokke gekies is.
hy is nie meer op skool nie en speel beter rugby as 99,999999% mense in die land maar hulle worry meer oor sy hare as sy spel? Het hy sy hare gesny om die mense te please? het hy beter gespeel toe sy hare kort was? ek kan steeds nie bohaai oor hare verstaan nie. ek self dra my hare kort want lang hare is in die pad, maar iemand anders se hare hinder my nie, as hy dit so wil dra is dit goed.

ek wil nou seg daars beter dinge om oor 'n bohaai te maak as hare, dan praat ek seker met myself ook, klink seker ek maak ook 'n bohaai daaroor.

Naas · « **Reply #17 on:** October 27, 2011, 08:28:48 PM »

Punt gemaak Lox, en ek stem met jou saam. As 'n volwasse man het jou haarstyl en kleredrag ens niks met ander uit te waai nie want daar is geen wet of reel wat jou haarstyl bepaal nie en jou haarstyl gaan jou nie in gevaar dompel nie.
Die draad het egter begin met 'n skool leerling wat nog onder skoolreels staan wat van hom verwag om binne 'n sekere grens te bly met sy hare. M.a.w. die gemeenskap waarin hy beweeg nl. die skool verwag van hom om aan sekere standaarde te voldoen. Omdat hy nie genoeg selfdissipline het om hom by die reels te hou nie is hy sekere voorregte ontse tot hy aan die rrels en regulasies voldoen. Net soos wat jy 'n verkeersboete moet betaal as jy gevang word wanneer jy net gou op 'n geelstreep stop om 'n brief te pos. Dis sinneloos want jou motor het nog geluier en jy was nie eers dertig sekondes weg nie maar die feit bly staan jy het die wet oortree.
Ek se weer: "Dit gaan nie oor die hare nie maar oor die besluit om by die reels te hou of nie." Ons het uit opsies gehardloop om leerders selfdissipline te leer.
As die ma of enigiemand anders nie hou van die skoolhoof of die onderwysers se optrede nie moet hulle vir ons ander oplossings gee om hul kinders te leer om reels te gehoorsaam.

Chichi · « **Reply #18 on:** October 27, 2011, 11:16:14 PM »

Ek dink julle het albei goeie punte. Ek verstaan die redenasie en dits goed so. My opini bly steeds anders, ja maak die reels en laat die kinders dit nakom, maar wees regverdig oor die reels wat om die reels plaasvind.

jip ekt ook nou my vinger weer in die pie gedruk haha

PM · « **Reply #19 on:** October 28, 2011, 03:58:58 AM »

Toe ons nog op skool was, was daar 'n duidelike onderskeid tussen die belhammels en die nerds. Die belhammels het agter iewers gesit en rook pouses, of op die rugbyveld 'n "faait" gehad en het net nooit by enige reëls gehou nie. Huiswerk was taboe. Hulle is ook gewoonlik vroeg uit die skool uit.
In ons dae het net Hippies en Hobo's lang hare gedra en hulself ingekleur. Selfs hulle het nie ringe of belle in gate orals op hulle gesig of lyf gehad nie.
Toe ek of my kinders op skool was, was die onderwyser baie hoog aangeskryf en met die hoogste ontsag behandel. Hy/sy was die hoof opvoeder. Dan was die gemeenskap mede opvoeders. Ons het respek gehad vir elke grootmens, want hulle kon jou ook oor die skoot trek en 'n goeie drag slae gee as jy jou nie gedra het nie. Mammie en pappie sou nie ingryp en iemand hof toe sleep vir aanranding nie. Hulle sou jou weer gryp en jou weer 'n drag slae gee oor die vernedering wat jy hulle aangedoen het om deur 'n ander aangespreek te word oor jou swak gedrag.
Tye het verander ja. Grootouers kan nie eers waag om hul eie kleinkinders aan te spreek oor swak gedrag nie dan is hulle in die moeilikheid, wat nog gepraat van onderwysers.
As 'n seun gaan matriekeksamen skryf, en sy mammie moet nog vir hom gaan kooltjies uit die vuur uitkrap, kom vertel asseblief vir my hoe gaan hy die mas opkom? Wanneer gaan mammie die wattetjies waarin sy hom toegerol het afhaal, om wat daar te vind?

Lox · « **Reply #20 on:** October 28, 2011, 06:55:31 PM »

ek lees nou 'n stuk oor hare

weet nie of dit gepas is hier nie maar dis tong in die kies

as dit aanstote gee seg my dan haal ek dit af

God said in His word that every hair on your head is counted...
So if your hair is deurmekaar today...
Dont worry; its just an angel doing stock take!

Angelica · « **Reply #21 on:** October 28, 2011, 07:20:10 PM »

Hierdie engel het nie aanstoot geneem nie, om die waarheid te se, ek dink dit is 'n super cool stukkie.
Don't fear, God het 'n wonderlike humorsin.

PM · « **Reply #22 on:** October 29, 2011, 05:22:55 AM »

Nee wat, daar is niks fout daarmee nie. Ek is versot op julle almal se humorsin. Dit sit 'n vonk in die dag. Wat heerlik is, is om te sien hoe almal van opinie kan verskil en tog die ander persoon se opinie respekteer.

Naas · « **Reply #23 on:** October 30, 2011, 11:14:29 AM »

Ons is mos MOOI groot. Ek en Lox is die mooiste!
Daai engel gaan gelukkig nie lank tydmors met voorraadopname by my nie. Drie oppie bors en bietjie meer oppie kop.

PM · « **Reply #24 on:** October 31, 2011, 01:33:55 PM »

Ek is nie so gelukkig nie! Biljuisend onder my arms en die op my bene kan 'n mens vleg! My borshare is darem 'n bietjie korter en Hannes is jaloers op my snor!

Chichi · « **Reply #25 on:** November 01, 2011, 10:37:59 AM »

Holy crap PM, wil jy nie kom kuier dan wax ek jou bietjie nie?

Ek persoonlik besit geen liggaamlike hare nie, net die op my kop en my wenkbroue. As jy doen wat ek doen vir 'n lewe en mense raak verveeld dan word jy op plekke gewax wat jy nie gedink het jy het plekke nie. Dit voel heavy creepy om nie armhare te he nie, maar oordat ek so ligte velletjie het het ek ook nie eintlik been of arm hare nie al is hulle uitgegroei.

PS> NAAS, ek is die mooiste en klaar.

Naas · « **Reply #26 on:** November 01, 2011, 12:38:45 PM »

"PS> NAAS, ek is die mooiste en klaar."

FFFFVVVelskoen!!! Daar verloor ek al weer.

Ek weet nie eintlik hoe ek lyk nie. Die ou in die spieel kruip vir my weg...

Chichi · « **Reply #27 on:** November 01, 2011, 05:06:19 PM »

toemawat Naas, ek is seker jy is pragtig, netnie so mooi soos ek nie. sien jy kan 'n drukkie kry om beter te voel *hugs*

News:

Author Topic: ek is lus om te "stir" vanoggend (Read 12665 times)