Hunkering

[adele]

Hunkering

Ek wil vir jou
duisend woorde op die seesand skryf
nie op oral se strande nie
maar,
op 'n alleen-eiland
ons eie stukkie paradys
wil ek vir jou,
en jy dalk ook vir my,
duisend woorde op die seesand skryf
sou die soutwater
daaroor rol
en my woorde die dieptes insleep,
wil ek nog steeds vir jou
duisend woorde op die sand neerskryf

Ek sal bly hoop
en in liefde glo
en elke dag die eilandbriewe in my hart
op die seesand gaan lees
want net miskien,
miskién
is daar ook vir my
op die fyn sand van ons eiland
duisend liefdeswoorde uit jou hart geskryf

©adéle theron

[PM]

Ag maar dit is mooi!  Duisend woorde kan nie vir jou vertel hoe dankbaar ek is dat jy jou skryfwerk altyd met ons deel nie.   

[adele]