Ek sukkel nou al 'n week lank met hierdie struktuur. Sou baie maklik gewees het as mens alles net kon sentreer lol. Het dit probeer maar die eindproduk was chaoties. Al wat oorgebly het was om kop te krap en die reels rond te skuif tot dit op die oog af 'n ster gevorm het. Tot my skok het die formaat soos geskommelde legkaartstukke vertoon op tablette/fone se skerms. Op die rekenaar het dit perfek gelyk.
Inderhaas kom afhaal en maar weer probeer.
My ster is gevorm met 22 reels. Die maklikste is om die eerste 16 te sentreer. Hierna is dit skat en plaas vir die laaste ses tot jou ster se ander twee punte naastenby reg vertoon.
Met die Engelse weergawe van Star Poetry het die digter van sy woorde opgebreek en ek wou dit nie doen nie. Dit het net nie vir my sin gemaak om 'n gedig so te plaas nie alhoewel die vorm beter vertoon. Ek vermoed as mens bietjie meer geduld het kan jy lettergrepige woorde kies wat dieselfde aantal spasies sal vul as die Engelse weergawe.
