Here, wat het U vir my bedink?

[adele]

Here, wat het U vir my bedink?

Uit die as my opgetrek
bloeiende are se skeure
met sydrade toegewerk
en die mosaïek in my hart gepoleer.

Weer lewe oor my ge-asem
en my oë vir U lig oopgemaak;
my geroep na U troon
en veerpen en ink gegee
om hierdie perkament
met U waarheid te vul?

Nou blaai U die enkele velle
van my voltooide storie om,
blaas die woorde droog
en hang hulle teen 'n pilaar
in die troonsaal van U liefde.

©adéle theron

[Meraai vannie Baai]

WOW! Dit is puik puik mater. Elke woord beitel 'n blywende beeld

[adele]