Dankie vir die reen

[PM]

Ons het gisteraand vir die eerste keer 'n bietjie reen gekry.  Almal en alles het gejuig!
Hier in Leeupoort gaan die krag af as 'n wolkie oor die berg skuur, maar ons gee nie om nie.  Dankbaar vir die reen oor ons dorre dorre aarde. 

Van die helfte van Augustus af moet ons begin kos aankoop vir die diere.  Hulle vreet alles wat net effens groen lyk. 

Dit neem so ses weke, as ons goeie opvolgreen kry, vir die veld om weer vir die diere te voorsien.  Hang natuurlik alles van die reen af. 

[Meraai vannie Baai]

Saam met julle dankbaar PM. Hierdie kant van die aardbol gaan ons nou weer die stormseisoen in. Op die oomblik loop twee van ons state erg deur.

[PM]

Ons hoop dat julle nie te erg deurloop nie.  As dit hier hard reen dan spoel al ons paaie weg, want Leeupoort is een sandhoop.  Ons het ook mos net sandpaaie.