Distrik 6

[Naas]

Soos kunstig vlinder vlerke
los jy vlugtig kleurvol spore
in die harte van jou mense

Van vervlenter kaalvoet klonkie
wat vrolik sing in die reën
tot hartseer uitset woede
was op jou verhoog gespeel.

Eenheid in die reënboog
van jou vlietende bestaan.
Skilder jy die toekomspad
waarop jou nuwe land sou gaan?

Kortstondig was jou vlinderspore
soos trane oor die wang
maar diep getrap in seer onthou
lê jy nog in lief en leed vasgevang.

Sal daar eendag uit die seer-oogvlek
teen tafelberg se hang
'n nuwe vlinderdrama
Uit die rommel op kan staan?

[PM]

Gevoelvol skep jy die beelde en die emosies Naas.  Dit is uitstekend! 

[Naas]

Snaaks. Hierdie was vir my een van my better gedigte en net een komtaar.

[Meraai vannie Baai]

As jy nie hier kommentaar kom lewer het Naas, het ek dit helemal gemis 

[Marinda Kemp]

Ek hoor en ruik die Kaap. Hou van jou gedigte.

[PM]

As ek dit nie mis het nie Naas, is hierdie mooie gedig van jou ook in 'n ander gleuf geplaas.  Ek sal bietjie gaan loer.