Ons waterpomp het uitgebrand, Maandag. Teen Dinsdagoggend het al die waterpype en die opgaartenk leeg geloop. In die eerste plek, ons kan nie die water drink nie, maar daar is opgaartenks waar ons drinkwater kan kry. Die water kom ook uit die reservoir, maar dit het filters op.
In die tweede plek: Ons moet self betaal vir die filters wat elke twee/drie maande vervang moet word, maar dit is nie beperk tot die inwonders van Leeupoort nie. Enige persoon het toegang tot die water. (Filters? R2 000 elke twee tot drie maande.) Ongelukkig is daar nie drinkwater as die opgaartenks leeg is nie!
Leeupoorters het bitter min tuine. Ons blomme is maar beperk tot vetplante. Die diere loop tussen die huise deur en die vetplante wat ons kan plant, wat nie deur die diere ge-eet word nie is baie beperk. Dus, die water word beperk gebruik. Skottelgoed, wasgoed toilette en seker 'n karwas hier en daar. As daar nie water is nie? Niks nie!
Wat ek eintlik wil sê is dat ons al van Dinsdag af water bedel!
In ons "kaart en transport" word daar bepaal dat ons nie boorgate mag sink nie. ???
Gelukkig het die karavaanpark 'n boorgat en die eienaar het ons tegemoed gekom met water. Bring jou eie houer en ek gee vir julle water.
Dankie Dawid, jy is 'n ster!
