Heerlike onderwerpe weer vanoggend in die Sondagkoerante - kan jou die hele week besig hou met tob, kommentaar lewer en sommer net lag oor sommige simpel goed wat mense aanvang.
Kyk nou maar na die SA'se pop wat in Engeland skoolhou en op 'n vlug terug van 'n vakansie met die familie hier, so besope raak na 'n half bottel Whiskey, dat sy seks eis van 'n vlugkelner en hom tussen die bene gryp. Verbeel jou, hierdie oulike meisie, jonk, mooi, slim, groot toekoms wat wag, raak so besope dat sy sulke sotlike goed aanvang.
Moral of the story?
Moenie op 'n vliegtuig dronk word nie.
Moenie dronk word nie.
Moenie Whiskey drink as jy nie weet waar jou perke is nie.
Moenie so baie alkohol verorber nie, dit breek breinselle af en binnekort is jy so dom, jy sal nie vir die klas voor jou kan klasgee nie.
Moenie vlugkelners as 'n potensiele seksmaat sien nie, hy/sy se seksuele orientasie is dalk nie dieselfde as joune nie.
Moenie dink dat as jy hoog tussen die wolke is, letterlik en figuurlik, niemand van jou dwaashede te hore sal kom nie.
Moenie jouself sleg gedra as jy dink dat jou familie nooit daarvan te hore sal kom nie - die wereld mag dalk net.
