Kom meneer hier aan, maar hy het nie eers 'n verfkwas by hom nie. My se Frans seg vir hom in sy taal dat 'n mens nie oorlog toe gaan sonder 'n wapen nie.
Ek dag ek "split". Ek het maar die nodige gereedskap gaan uithaal, dit was die lag werd.
Ek kon hom terug gestuur het om sy eie gereedskap te gaan haal. Ongelukkig vir my, is ek net nie so nie.
Gisteraand toe gooi ek al my speelgoed uit die kot uit toe Hannes vir my sê die vrou by die loodgieter se kantoor het geskakel en gesê hy moet gaan kontant trek om die rekening mee te betaal, want hulle vat nie tjeks nie.
Ek het met die eienaar gereël om die tjek daar af te gee en hy het geseg hy sal sommer iemand vra om dit te kom afhaal.
Jy moes my groot mond hoor!
Dit hou net nie op nie. Gisteroggend toe kom die skakelbeamte van die firma wat die kontrak vir die opgaartenk doen hier aan. (Dit was hulle wat ons lewens in 'n tydperk van 'n uur en 'n half in hel verander het.) Hulle assessor vra dat Hannes 'n be-edigde verklaring gaan afleg dat die inligting wat ons vir hom gegee het aangaande ons versekering (die firma, die polisnommer en die eisnommer) reg is. My bek het oopgehang! Vir wat!!!!!!!! Hy kan mos net sy foon optel en met die assessor praat. Al die inligting is daar.
Nee jong, as hy my gister gehuur het kon hy my vandag gestuur het.
Ek verlaat sommer die aarde en klim in 'n boom in.
