Besluit ek om my kreatiewe bydrae vir Outop se nuwe wieletjieshuis te maak. Baie beindruk met die moderne badkamer met sy wasbakkie so ewe bo op die (let wel nagemaakte lol) marmerblad, bekruip die gier my om iets te skep wat so paar van my goedkoopliefdes, lees 'rags' in die lewe ook te verewig aan die binnekant. Die hoekie regoor die wittroon moes opgedollie word
'n Uitgerafelde gehekelde bloesie, wyndoos oppad asblik toe, oorskiet plastiek-gedoentes wat ek in die pandok se kombuiskasrakke gebruik het, 'n paar blings, satynblommertjies en strik (hoe dan anders... ek moet immers tuis voel in die huis op wiele onthou) en laaste maar die belangrikste was my geskenk, juwele-skatte van geliefde ou sustertjie in Suid Afrika wat deel gevorm het van die kreatiewe geboorte proses wat verewig is met jongste se verjaardaggeskenk uit die VSA (fabric hardener en mod podge).
Loer oor my skouer, dan sal jy die opskrif van die plasing verstaan. Van dit....
Na dit.... (ek is so moeg om op my kniege te kruip op die wieletjieshuis se vloer en soek na 'n verlore oorbel of ring wanneer ons kamp, so my kreatiewe bydrae was dus 'n ietwat doserige juwele houertjie en die vaas wat nog gemaak moet word met die agterkant van my gehekelde toppie en oorskiet blings
)
Die skeppingsproses van
rags to riches het Outop as hy sy glasie kom opvul uit verveeldheid, soms hier en daar verewig met sy lens...
