Plaasbrood:
Meel - nog nooit geweeg of afgemeet
Sout - nie te veel nie.
Suurdeeg - pakkie Anchor
Lou water - besluit self hoeveel. Hou sommer 'n beker vol byderhand.
Gooi meel in 'n kniebak (dis nie 'n bak waarin jy gewoonlik kniel nie....
)
Maak holtetjie. In die meel, natuurlik.
O nee, wag, gooi eers die sout in die meel. Roer om. Maak nou daai holtetjie.
Gooi pakkie Anchor in
Gooi nou lou water in
Dolwe om en krap bymekaar.
Gooi nog water by indien nodig.
Maak jou hande skoon met 'n bietjie meel uit die pakkie.
Nou.... knie dat die sweet loop. Eintlik is jy besig om daai bol deeg te donnnnnnner met die vuis.
Wanneer die deeg elasties is, maak 'n bol onder in die kniebak en smeer met 'n bietjie bottertjies. Gooi 'n doek oor.
Sit die bak in die vensterbank in die sonnetjie en wag.
Wanneer goed gerys, knie af en sit in bottergesmeerde pannetjies.
Bedek weer en laat weer rys.
Nou moet die oond warm gemaak word, maw, skakel aan.
Pannetjies in die oond en bak tot bruin en krakerig bo-op, ongeveer 'n uur teen 350 grade C
As die kinners van die skool kom, sny dik sny warm brood en sit voor met plaasbotter en appelkoos jam.
Njammies.
