Dit was lekker, maar uitputtend. Ek was regtig aangenaam verras met hoeveel van die lede deelgeneem het, help sit het vir 'n paar uur en verversings gebring het.
Ons het niks verkoop nie, maar drie mense wil graag aansluit by die vereniging, so dit was beslis dan 'n sukses. Ons het ook idees uitgeruil vir volgende uitstallings, hoe om geld in te kry vir die gallery/museum en 'n plaaslike kunstenaar het gesê dat sy bereid is om volgende jaar op 'n stadium 'n werkswinkel aan te bied wat na groot pret klink.
Behalwe vir een skildery wat per ongeluk geval en seergekry het was die enigste drama my karsleutel wat soek was. Ek het dit in die harwar van alles regkry en verdeelde konsentrasie, toegesluit in die kattebak. Die lede was baie behulpsaam en een het selfs die aand vir my gebel om te hoor of ek reggekom het.
Dit was vir my 'n baie leersame dag gewees en ek hoop dat dit dalk die eerste stappie sal wees vir nuwe groei.
