donkernag

[adele]

hier skyn 'n ster,
'n enkel een,
die ander is in deins gehul
die water raap 'n maanstraal op
speel daarmee,
vleg dit wiegend in die wind.
eensaam klink 'n jakkalsroep
wyl die nag die afstand krimp
na sy maat se blyplek toe.

[Trapsoetjie]

Hier het jy weer mooi met die woorde getoor.

Ek lees en ek loop terug na waar daar geen geraas is, met oorverdowende stilte, my oor seer maak, en ek voel rustig...pragtig vriendin!

[PM]

Jy mag maar Adéle, want jy kan!   

Dink julle ook dit is goed vir die boek?

[Louis]

dit klink so eensaam.....so stil.....so mooi

[Fransi]

'n Woordskildery wat 'n voor 'n mens se oë afspeel. Baie mooi geskryf.

[PM]

Ek het gou weer kom lees.  Dit is regtig mooi!