Jy is

[Naas]

Bloedrooi roos
met sy dorings en al
se skoonheid vervaag in jou menswees.

Waterstroom
se diepste kabbeling
murmer oor die stilte in my hart.

In fynbos
styg die aardse geure,
aromas van ons laaste saamwees.

Die landskap
in sy volle wydheid
omvou nie die skoonheid wat jy straal.

[PM]

Pragtig Naas.  Hierdie struktuur werk uitstekend in Afrikaans nê?

[Assie]

Watter struktuur was dit Antie PM?

[PM]

Oepsie, vra jy my nou, dit was 10 jaar gelede.  Dit klink egter vir my na 3,6,9.
Raaitjie, kom help asseblief.   

[Meraai vannie Baai]

Oi die ouderdom. Ek het gaan grawe maar kon glad nie die struktuur tussen ons bewaarde strukture opspoor nie. Jou uiteensetting van 3,6,9 pas handskoenperfek PM. 

[PM]

Dit is so 'n mooi gediggie, ek lief dit.