Bundel insetsels Marius Buys - Leemtes

[Marius]

Leemtes

Onthou, soos 'n ledemaat vermis,
van wat was, kon wees, is.
Stilte, waar voorheen lewe was,
'n leemte in 'n jas.
Selfoon-nommer nou na nêrens heen,
verklaar as: party nie-beskikbaar; geen.
Geskenke verewig klaar gegee,
kersfees-kaartjie adres nou errata; uitgevee.
Raad en staaltjies klaar vertel en oorgelewer,
oorgeplaas na my as nuut-uitgewer.
Oral Memento's Mamma, van jou bestaan,
wat mettertyd ook tot niet sal gaan,
maar jou gees en gene bly in my dwaal,
in ons nageslag sonder faal.

Helena Catharina Buys
(1942 - 2012)