aardse ongenade

[adele]

my hart word geknel
onder aanslae
van aardse ongenade
 
in skerwe gesny
en opgehang
aan brandende gedagtes
 
maar nerens
word die volmaakte
aan my beloof
 
daarom klim ek gereeld
die kortpaadjie tussen
my kniee en die vloer
 
om weer dievrees
van geliefdes se pyn
in Sy vrede te verdrink


ek sukkel die laaste dag of wat om alles te hanteer ... iewers moet ek krag gaan pluk want my reserwes raak op. Eben raak sieker en ons pas hom deesdae permanent op, al werk hy bedags ook rukkies in die houtfabriek, word hy gou moeg en soms duiselig. ek is so gelukkig om naby hom te wees, om hom in my lewe te he'

dan kom iemand baie na aan ons, amper ons ouderdom, laaste kind getroud, nog 'n kleinkind vir hulle oppad ... en nou wil mevrou skei! hoe verwerk mens dit? eintlik verwag ek nie 'n antwoord nie, ek wil dit net deel ... is gedeelde smart nog halwe smart?

 

[Meraai vannie Baai]

Is gedeelde smart, nog halwe smart? Positiewe ja mater. As ons nie die einas in die lewe ook deel met iemand nie - hoe sal hulle weet om vir ons 'n knielkussing te word, wanneer eie kniege al eelte vorm? Vou julle toe met omgeekombersie. 

[Fransi]

Aangrypend geskryf. Mag jy baie genade ervaar.

[adele]

so baie baaaie dankie julle

ek skud die onrus op my skouers
elke aand in Golgota se bloedgrond af
om plek te maak vir die oorloopvloei
van genade uit sy seënende Hand

 

[PM]

Wens ek kon help dra aan die laste matertjie. 
Hulle sê mos, "it never rains but it pours"  of soos ek seg, it never pains but it roars!  Dankie vir die deel.  Ons dink aan julle.