Sou jy kon weet?

[Angelica]

Dis 'n bleekwit maan
wat aan die hemel hang
Sou jy ooit kon raai
hoe ek na jou verlang?

©Elsabé

[Ah Willa]

Eggomooi

[PM]

Mooi Engeltjie. Dalk het hy na dieselfde maan gekyk. 

[Fransi]

Pragtig geskryf.

[Angelica]

Dankie julle.
Dateer uit Woes-dae.
Weet nou nie of die ou die maan dopgehou het, weet net ek het.

[werelde weg]

verlangend staar ek na die bleek wit maan....

om een of ander rede het die maan net n intense krag oor haar....

eks mal om oor die maan te dig ... dalk te algemeen maar nog steeds vervullend

[Meraai vannie Baai]

Dit is die perfekte voorbeeld van 'eenvoudig beeldend en blywend treffend' Angelica!!! 

[Angelica]

Dis 'n bleekwit maan
wat aan die hemel hang
weet jy hoeveel
ek na jou verlang?

PM, kan ek hierdie in Boek 2 erens indruk?
Asseblief.
Dankie.

[PM]

Ag nee, nie nog 'n keer nie!     Ek stuur vir jou die blaadjie wat ek spesiaal aan hierdie gediggie toegeken het, omdat ek dink dit is pragtig. 

[Angelica]

LOL.... lyk my ek het jou al twee keer vantevore gevra???

[Ah Willa]

Ek's bly hy's in die boek - want die versie het my hart gesteel - maar ek moet werklik eerlik wees en se ek hou baie van hoe jy dit oorsprongklik gehad het Angelica :

Dis 'n bleekwit maan
wat aan die hemel hang
Sou jy ooit kon raai
hoe ek na jou verlang?

©Elsabé

maar dan ... dis jou vers .... en dit bly pragtig 

Dis 'n bleekwit maan
wat aan die hemel hang
weet jy hoeveel
ek na jou verlang?

PM, kan ek hierdie in Boek 2 erens indruk?
Asseblief.
Dankie.

[Angelica]

Hi Willa, jy is reg.
Ek hou ook meer van die oorspronklike. 
(Ek dink die jare haal my in.)

[Ah Willa]

Ek dink die jare weet nie hoe om jou in te haal nie -
dit het opgegee en 'n ander moeg siel gaan jaag ...
wat die jare het gesien hoe jy opstaan tussen die blare
al waai die wind hoe swaar van die suide of noorde
die jare het nou al geleer dat jy in jou siel jonk is
en altyd die dag van more met moed inwag ...

so ek dink nie dit was dit jare wat jou ingehaal het nie,
dalk net jou gedagtes wat by jou verbygedraf het
toe jy nog rustig koffie gedrink het