Die Ritme van Januarie Een en Twee...

[Angelica]

Feit is, daar is omtrent nie 'n ritme nie.
Dis baie stil.  Anti-klimaks.
Die paaie is baie stil, net hier en daar 'n drawwer en trapper.  En een wat onder 'n boom le en luier.
Selfs die honde het genoeg geblaf en nou kan hulle relax.
By P&P is die rye baie kort.  Maar die V&A Waterfront is soos 'n miernes.
Dis lekker.  Ek geniet die stilte.  Dis asof jy kan asemhaal weer.

[PM]

... en drie. 

Ons is snel die oujaar uit en met 'n vinniger pas die nuwe jaar in.  As my jaar so begin, dan wonder ek...

[Meraai vannie Baai]

... en op nommer vier kom ek ook aan, bottel pienkborrels onder die arm, paar kussings en my geruite kombersie. Ons kan saam net stil na die sterre le en kyk. 

[AB]

is nogal interessant hoe vrek besig die winkels is voor kersfees en 'n week later raak dit doodstil, al is die vakansie gangers dan nog nie terug huis toe nie.

toe ek nog butternuts geplant het het ons 'n intersante ding beleef by die mark en ek glo dis nou nog so. as jy butternuts ( enige groente) voor kersfees op die merk kan hê kry jy goeie pryse en na kersfees geen ordentlike prys en amper geen kopers nie.
Dis asof die ma by die huis nog mooi byhou met als tot kersfees en daarna is sy gatvol vir huishou en wil ook effe ontspan en dan eet die kinders wat daar te neem is in die huis of spens of yskas of wegneem etes.
 dit tel weer op na die skole oopgemaak het. die mark mense seg dis asof die mense na kersfees nie groente eet nie en waneer die skool begin het die koshuise groente nodig en die ma by die huis besef dan ook skielik die kinders het groente ook nodig. dan tel die verkope op en die prys ook so effens maar dan wrod die mark weer maklik oorstok want almal se groente is dan ryp en vir 2 weke lank was daar nie geoes nie.

[PM]

Jy praat AB.  Ek het my 3x3 meter komposhoop uitgeput na die vloed en besluit om nie weer kompos te maak nie.  Natuurlik is ek effens suur vir myself, want die avoboom het al 'n wavrag vol avo's gespeen en dit sou nou 'n ideale medium wees vir 'n komposhoop. 
Ek plant toe ook "botter neute" en patty pans, tamaties,  boontjies en spinasie daar.  Die pampoene het loshande gewen. Die area is afgesper met betonomheining, maar die pampoenranke het hulle nie daaraan gesteur nie.  Dit het sommer by die hek uitgegroei en bo-oor die plaveisel geloop. 
My gaste is almal hier weg, elkeen met 'n sak butternuts en patty pans. 
Ek sal later 'n foto kom plaas om te wys hoe lyk dit. 

Ek, vir een, sal baie bly wees as groente en vleis se pryse nou terugkeer na normaal.   Dit was nekomdraaipryse hierdie feesseisoen. 

[Angelica]

Ek dink tot die hoenders en kalkoene is bly Krismis en Nuwejaar is verby.
Hulle kan weer asemhaal (pun..) Het vanoggend gaan soek vir 'n kalkoenboud, maar nie eens 'n krieseltjie by daardie winkel.
Dis net onse middellywe wat hard (bly) kreun.
Dis net so rustig by die spreekkamer.  Omtrent geen pasiente.  Die laaste paar dae voor ons toegemaak het, het omtrent elke tweede mense of 'n enkel verstuit en 'n paar krukke/moonboot/enkelstut nodig gehad of 'n gewrig (met die oopdraai van 'n bierbottel?) seergemaak.  Ons was oorval.
Ek dink vanaf Maandag 7e sal die rat race optel en tot volle glorie op die hoofpaaie terugkeer by middelmaand.  Ek is tog soooo bly ek ry in die teenoorgestelde rigting as 99% van die rotte.
 

[PM]

Geniet die rustigheid Elle.  Jy sal dit volgende week mis.   
Ons gaan weer "plaas" toe vir 'n week of twee.  Sal ook 'n paar rotte misry.   

[Meraai vannie Baai]

Sien ek nou net hoenders en kalkoene skarrel as Desember aanbreek  en tussendeur 'n speenvarkie wat arig skrou Siestog.