Gebed

[Gawelina]

Heer, daar's niks
wat ek vir myself wil vra
as dat U my vriende sal dra
as wilde storms om hul woed
of ellende in riviere vloed,
as dit voel of niks erger kan wees
en hul swak word van vlees.

Heer, daars niks
wat ek vir myself wil vra
as dat U my vriende sal dra
as lag uit hul kele borrel
en vreugde aan wingerde korrel,
as hul liefde vir mekaar en ander bring
laat ons 'n loflied sing.

Heer, daars niks
Wat ons vir onsself wil vra
as net dat U ons almal sal  dra
deur voor- en teëspoed,
deur kwaad en deur goed
om altyd U kinders en mekaar
se skuiling te wees

[Fransi]

 

'n Pragtige gebed.

[PM]

Mooi geskryf Gawie. 

[Meraai vannie Baai]

Ek bid hierdie saam met almal! Pragtig Gawie!!

[Ah Willa]

en dankbaar mag ons weet dat ons Vader hierdie prag gebed verhoor