Een stad, drie rooikoppe, sewe dae – Adeline en Lili Radloff
Uitegegee deur Lapa Uitgewers – 2012
ISBN 978-0-7993-5515-4
Die Stad:
‘n Histeriese snaakse riller wat hom gedeeltelik in Oranjezich, teen die hange van Tafelberg, waar doodnormale mense wat al die gatkant van die lewe ervaar het, bly. Kalkbaai, Constantia, Pinelands waar die eerste moord gepleeg word en Mitchells Plain waar die lyk, ene Kaptein Coenie van Namibië, onbekend aan enigeen, asook die motor, Heleen s’n vol gate en stukkende ruite, van die aardbol sal verdwyn. Dan is daar Bulelani van Gugulethu… Tamboerskloof waar Fey amper-amper ‘n skoolseun ‘n ‘buurman’ maak.
Die Drie Rooikoppe:
Daar is Heleen, ‘n geskeide rooikopvrou wie se man haar gelos het vir ‘n.. wag hiervoor, ouer en leliker vrou en toe haar kinders gevat en na Amerika verhuis het. Om die pot aan die kook en haar huis te behou, neem sy ‘tennants’ in. Heleen werk ook op ‘n rype ouderdom by ‘n restaurant in die stad as ‘n kelnerin. Haar baas, Luke, word later haar minnaar toe hy haar (vir haar onwetend) moet beskerm.
By Heleen bly: Fey, rooikop stripper, maar ook nie die gewone stripper. Daar is die twee Gay Boys, of sodomiete soos Fey hulle soms noem, een wit, een bruin, wat soos tierlantyntjies lyk in hul striped suits en Italiaanse skoene. En dan is daar ook Tristan, ‘n stil en eenkant ou, sterk en baie baie aantreklik. Niemand weet waar hy werk nie. Die vriendskap tussen hierdie huismense kom tot ‘n klimaks wanneer Heleen beskerm moet word teen dwelmbase waarvan sy nie ‘n sars weet nie. In haar motor is ‘n pienk Hello Kitty sak met R225k en R800k se kokaiene asook die lyk van ‘n wildvreemde man uit Namibië. Fey is midde-in hierdie geweld en moord. Onskuldig. Tristan wys sy staal, en belangstelling, aan Fey as sy haar varkies in die afwagting van die oproepe van die dwelmhandelaars, wil verloor. Hy is ook die een wat in ‘n wasgoedsak homself in die motor verberg om naby Fey te wees wanneer sy die geld en dwelms aan die rowwe klomp moet oorhandig.
Buurvrou Saskia is ‘n rooikop sosiale vlinder en ook ‘n dwelmhandelaar saam met ‘n groot buitelander en haar ware onder die dekmantel van juwelierswareverkoopster, van die hand sit. Sy leef van net die beste, was al om die wêreld en het al twee mans, haar stiefpa inkluis, met een skoot doodgeskiet. En met reg.
Sewe Dae:
Binne sewe dae word ‘n normale klomp mense se lewens op sy kop gekeer. Eers is daar Heleen wat haar motor moet verkoop om die bankbestuurder te kalmeer sodat hy nie haar huis onder hulle almal se jisse uitpluk nie. Fey besluit sy sal die motor vir die ou gaan wys wat op die advertensie reageer, maar beland met Kaptein Coenie van Namibië in Pinelands waar die man gedink het hy kan voor dwelmhandelaars vlug met R225k in ‘n pienk Hello Kitty sak, behorende aan Fey, en R800k dwelms in ‘n ander sak. Fey, onbewus, verseg om te ry toe Kaptein Coenie haar beveel om voet in die hoek te sit. Die grootste man wat sy nog ooit gesien het, skiet die motor, Heleen s’n, in flarde en ‘n gapende gat in Kaptein se kop. Daar is bloed orals en Fey sit voet in die hoek.
Die kar en lyk moet van ontslae geraak word voor Heleen vanaand huistoe kom. Luke, haar baas word aangesê om haar na sy huis te lok en haar daar te hou tot dit veilig is. Die dwelmbase weet waar sy bly en ‘n ontvoering vind plaas. Maar by die verkeerde adres, Saskia die grand buurvrou se adres, terwyl die twee Gay Boys daar rondsit.
Als goed in die einde toe al die dwelmsmouse gedood word en Saskia besluit genoeg is genoeg. Sy wil vir Fey afpers omdat dit haar skuld is dat sy ontvoer is, maar word verras toe sy sommer ‘n hele R100k kontant in die hand gestop word. Heleen kry ‘n haar deel in haar bankrekening en die res?
Spannend, angswekkend en histeries snaaks as die Gay Boys hul monde oopmaak.
©Elsabé
