sommer net gou hallo seg.
ja jammer dat ek laaste tyd so stil was. gedagtes is op baie ander plekke en lus vir skryf en selfs fotos neem is effe geblus maar ek glo dit sal weer optel.
Gaan goed hier met ons saam. Ons het nou uit die brand huis getrek in die vakansie huis in so 4 km van ons plaas af op 'n ander plaas, genadiglik nie in die dorp nie. Ek moet nou elke dag heen en weer ry en van môre af gaan ek middag etes ook moet ry om te kom eet want ek het vrydag middag die stoof ook hierheen gebring. Die vrieskaste en een yskas staan nog anderkant, sal nog sien wat ons daarmee gaan maak, plek hier is nie so ruim nie.
o ja, ons het toe uiteindelik klaar geoes verlede woensdag die 25 ste. dit was so laat orolat die buurman se kelder vol was en ons moes aanmekaar wag vir plek in die kelder.
Ek en vrou het tot nou toe nog nie tv gemis nie, en ons maak amper elke aand vuur in die braai kaggel hier neffens waar ons om die ronde tafel sit en kuier elke aand. ons braai soms net 'n stukkie brood.
Die winter kruip nader hier in die Boland.
Ons 2 seuns is op stellenbos om hulle kennis te verbreed, hulle is nou deel van die spesie wat student genoem word. hulle bly elkeen in 'n woonstel, selfde woonstel blok, en hulle woonstelmaats is 2 susters. burger slabbert vervoer se 2 dogters. ons het al die 1 suster ontmoet en nog nie die ouers nie. Verlede naweek ( langnaweek) bied die slabbert mense hulle strandhuis op yzerfontein gratis vir ons aan. ons was toe daar vir 3 nagte, heerlik gekuier al was dit heel tyd bewolk en koud en wind. in elk geval na die naweek toe antionette met die burger vrou op de foon praat en dankie sê, seg sy ons moet sommer die sleutel by ons hou en ons mag enige tyd daarheen gaan soos ons wil. sjoe ja mens kry nog mense met goeie harte.
van oes gepraat...ja die oes was wonderlik en baie groot, 38% meer as verledejaar. die Here het ons baie geseën.
Ons het al so effe begin roer aan die bouery, planne word opgetrek en 'n bouer is aangestel, sal seker oor so 2 na 3 weke kan begin bou. wil so effens verander binne, nog 'n badkamer aan ons slaapkamer insit.
jammer ek so rond en bont skryf en vertel, maar dis maar soos my gedagtes loop, geen geordende skryf vandaand nie, gaan in elk geval nou nou stort en bed toe.
die naweeek waarin ons nou is oor 14 dae is ek DV by die see, visvang ekspedisie, ek en 2 ander manne wil sommer net weg gaan vir 4 dae en kyk of ons vis kry. ek vang swak vis maar ek gaan darem my se kamera ook saam neem. sal sien of ek darem i vis of 3 kan vang en of ek dalk i paar mooierige fotos kan neem. ek is ook al so uit oefening met fotos neem, maar sal sommer vir die lekkerte afneem.
ek en vrou het darem al so paar stukkies klere vir die winter gekoop en ek het skoene by Tarzan laat maak. my voete wil nie in winkel skoene pas nie. ek het donderdag na 3 maande vir die eerste keer weer toe skoene aangehad en my voete protesteer nogal erg daarteen.
die week wat kom is lekker warm en ek het 'n dam duikwerk dinsdag, sal maar net na middag ete doen dat dit effens warmer kan wees. my werkers en buurman se werkers gaan woensdag see toe vir die dag, het 'n bus gekry wat hulle sal neem. dan gaan hulle ook sommer hulle jaarlikse verlof kry vir 2 en half weke. ek sal maar kontrak werkers gebruik om met die werk aan te gaan soos nodig.
ek sal die maand seker 'n paar keer kaap toe moet ry waarvoor ek nie lus is nie, ek hou mos niks van dorp en stad nie, te veel mense, karre en geboue. daar is so baie geboue ek kyk daarin vas en kan dan nie vir kaapstad sien nie. as ek van kaap toe gaan praat bedoel ek enige plak van kraaifontein, kuilsrivier af tot blouberg, milnerton en tot by kaappunt in die suide.
ek plan om hanepoot wingerd uit te haal vanjaar en weer te hervestig met hanepoot. sal nog sien hoeveel ek gaan hervestig want dit hang af hoeveel stokkies wat geënt is, gevat het. wil ook 'n nuwe manier van oplei probeer om meer tonne per hektaar te kry.
o ja die toyota bakkie loop weer.......sy sleutels het mos saam uitgebrand in die huis en toe kon ons hom nie weer aan die gang kry nie want hy ( en baie ander toyotas) het 'n sleutel met 'n "chip" in en die kode is nodig om die enjin se rekenaar gerus te stel dat dit die regte sleutel is. op die ou end moes ek 'n nuwe ID boek kry ( ou een gebrand) en toe nuwe registraise papier vir die bakkie en toe eers kon ons nuwe rekenaar en sleutels en deur slotte bestel. 'n hele R6500. maar nou ja dis maar die verloop van die lewe.
anton, 2 de seun, het ook nou so kort inlei kursus vir scuba gedoen en wil graag gaan kyk of hy dit geniet in die see. ek jeuk self vir duik weer i slag maar ek het nou nie eers 'n kamera om af te neem nie.
netnou het ek en vrou die laaste van die bottel pinotage van middag se steak braai gedrink maar nou raak dit koud, eers nou rooibos maak om te drink voor stort en bed tyd.
hier op die plaas waar ons nou woon is baie akkerbome op die werf en reg voor die voordeur 'n slaweklok. die son kom so kuins agter die klok op, sal een oggend waneer ek weer in die mood is vir moeite maak met fotos, kyk of ek i mooi kiekie daarvan kan kry. moes eintlik vannad die volmaan agter die klok afgeneem het maar toe vergeet ek mos daarvan. sinkdak en toe dit akker tyd was skrik ons gereeld in ons slaaptyd as daar 'n lekker groot vet akker met 'n knal op die sinkdak val. gelukkig is al die akkers nou klaar geval. die nou net die blare wat val.
Wingerd se blare begin ook nou verkleur en gereedmaak om af te val vir die winter.
die week wat kom die aarbeie plant en dan is dit snoeityd.
ek dink dis nou tyd om te gaan stort en die bed te gaan bekruip en die binnekant van my ooglede bestudeer.
so van bed gepraat, ons, dis nou ek en die vrou, is gewoond om op i gewone dubbelbed te slaap en hierdie huis het 'n king size bed in........sjoe dis groot, mens verdwaal eintlik op die bed soos jy na mekaar soek. my ouma het geseg als wat te by het is onnodig behalwe te voet, te perd en te..vrede. my neef het bygevoeg ja nou hoef hy nie groente en vrugte te eet nie want dit het ook te by. eintlik het ouma bedoel waneer die te vooraan kom.
nou ja toe julle almal, lekker aand en week vir julle, en mag idt 'n heerlike week wees vol lekker dinge in jou lewe.
laat die wiele rol.....
