Vrae?

[Naas]

Vrae?

In die arms van 'n middernag
hardloop vrae resies deur die skedel
om onbeantwoord te weergalm
in eggos van verlede jare.

Elke vraag se pletterloop
teen hetnie-raadnie rede
stuur splinterskrapnel
deur reeds verpletterd ego.

Ewigkringend sirkelgedagtes
omring net vuisvoos versugtings.
Versugtings na onvervulde wense
in die doolhoof van vrae sonder einde.
©
   

[Fransi]

'n Harde handeklap vir hierdie raakvat, diepdink en intense woorde.

[Angelica]

Ek hou van 'arms van die middernag'..
Dit is daardie middernagtelike vraag sessies met jouself wat so uitmergelend is.

[PM]

Pragtig uiteengesit Naas.  Ek is mal oor die halfrym, dit werk uitstekend. Die metrum is 'n uitklophou.