Deel 2
Eers gou 2 dae teruggaan. Ek het ’n swanniesbraai gekoop met die hoop dit kan werk langs pad. Hier toets ons hom met koerantpapier en ook met charcoal.
Hier het ons op ’n privaat wildplaas op pad na ons bestemming gestop om te braai. Daar is ’n serwituut pad oor die plaas na waar ons op pad heen is. Die plek is gekoop en ’n klompie geboue is gebou vir toeriste. ’n Lodge besigheid. Die eienaar het so 5 jaar gelede belangstelling verloor en is Gauteng toe en als is net so gelos.
Paadjies is oorgroei.
dis ’n nr. 20 pot wat hier neergesit is op pad lapa toe en staan steeds hier.......
In die strykkamer staan nog hope lakens wat gestryk is, die beddens is opgemaak in die kamers. Dis asof iemand net die plek gou verlaat het om dorp toe te gaan en na 5 jaar nog nie teruggekom het nie.
Ons het die Swanniesbraai gebruik en i.p.v. koerant of charcoal so paar doring takkies onder ingegooi en aan die brand gesteek en gebraai op die vlamme. Toe die wors gaar was, het ek die ketel water opgesit en toe ons klaar geëet het, kon ek met warm water die paar skottelgoed was.
Die swembad is leeg, die stoele staan nog net so. Dit lyk of die mense die laatmiddag moes terugkom van die dorp af maar het toe verdwaal.
Uitsig vanaf die swembad area na die plek wat ons gaan besoek.
Deel 3 vervolg
