droomnag

[adele]

dis 'n alleenaand
wat in koue sterf,
'n laaste koer
vanaf die tortel se werf.
weet die visse
dis al donkernag?
lok 'n ster jou
na waar ek op jou wag?
raak ek aan
jou vingerpunte
proe ek tjoklit
op jou koel lippe,
gee ek my oor
aan jou arms se krag
naby in droomland
waar jy elke aand op my wag.

[PM]

Baie mooi Adéle.  Ek het jou gemis.  Bly om jou weer raak te lees!   

[adele]

dankie lief mens. wanneer ek kans kry hier te kuier, kon ek nie inkom nie en hierdie laaste 2 weke het ek tussen werk deur getrek, tydelik in een huis, wag vir my huis wat seker oor maand beskikbaar sal wees. kan nie wag nie.

[PM]

Dit sal ook tot 'n einde kom.  Almal is maar dol besig.  Ek is so opgewonde oor die boek,  laat hoor tog gou wat jy alles wil plaas.