Dis 'n lang storie, lief Raaitjie. My jongste was seker 14 of 15 jaar en toe al twee jaar lank blaasondersoeke en 'scopes' gehad, seker tot sewe keer, kan nie meer onthou nie. Toe gaan ek met hom na die Akademie van d Universitas Hospitaal want my medies het uitgeput geraak. Hulle het hom toetse gedoen en toe stuur die uroloog hom na 'n Nephroloog ... ek het daardie tyd nie eers geweet 'n nierspesialis is iets anders as 'n uroloog nie, altyd gedink uroloog spesialiseer op niere saam met die blaas ens.
Lang storie kort, na 'n nier-biopsie is vasgestel hy het IgA nephropathy of te wel Berger's desease ... omdat 'n dr Berger in Frankryk, so laat as 1968, dit ontdek het.
In kort kom dit daarop neer dat die protein IgA in mens se bloed, in hulle geval die nierfilters afbreek totdat daar niks van 'n nier oor is nie. Die fout lê by die protein, nie by die niere nie. Baie mense het al nieroorplantings gehad, maar die proses gaan net voort. Nieroorplanting help darem weer vir 'n klompie jare.
Intussen, agv die swak nierfilters, verloor hulle bloed in uriene ... dit lyk altyd grys. Maar die grootste probleem is dat gifstowwe dan nie uit die bloedstroom gesif kan word nie en hulle altyd moeg kan wees. Sommer pleinweg kwaai sukkel met "Fatigue" want als is moeg, liggaam en daarom gees ook. Wanneer hy brongitis of griep kry, vat dit hom drie keer langer as ons ander om gesond te word. Soms nie sonder kortisone nie, wat weer sy eie nadele het. Daar is nog ander klein probleme ook, maar hierdie is die hoofprobleme.
Daar is nog geen oorsaak vasgestel nie, dus bly dit 'n misterie hoekom dit gebeur, en dus ook geen behandeling bekend nie. Al wat my kind gebruik het is 'n lae dosis bloeddrukmiddel, waarvoor weet ons nie regtig nie, behalwe dat dit blykbaar die druk in sy niere laer hou, vir wat dit werd is.
