In ‘n herbergstal

[adele]

In 'n herbergstal

Nie vir homself nie,
het Josef die herbergier gevra,
maar vir sy swanger Maria,
sy kon nie verder dra ...
die pad was lank,
hul watersakke droog.
Die man het sy kop geskud,
miskien... as hul die stalvloer vee,
kon sy daar aan haar Kind geboorte gee.
Het trane op haar wang geblink?

Dankbaar het sy met komberse
'n bed laat vou oor hope strooi,
toe moeitevol neergekniel
en geloof, hul HemelHeer!
Eers in die donker was als verby ...
het Josef die Kindjie in 'n krip laat bly,
maar oor vlaktes wyd het engelesang
aan almal van die Wonder vertel.

©adéle theron

[Marinda Kemp]

Kry eintlik hoendervleis. Baie  mooi 

[PM]

'n Eeu ou storie nuut en mooi geskryf Adele. 

[adele]

Marinda, PM,  ...    

[Meraai vannie Baai]

Ek kom ook eerbiedig my dank betuig vir die deel. Lief hoe jy "HemelHeer" geskep en gebruik het!

[adele]

     dankie Raaitjie, ek koester jou kuiertjies xx