Sampioen en Tiemie Skons...

[Angelica]

Sampioen en Tiemie Skons...
80g Botter plus ekstra om die pan mee te smeer
150g bruin sampioene, skoongemaak en gekap
250g meel
1 tlp bakpoeier
1/2 K Karringmelk
1/2 K Melk
2 tlp tiemie-blare
Sout
Maak dan so:
Voorverhit oond tot 200C
Smeer 'n bakplaat
Smelt 1tlp botter en braai sampioene tot sag.  Hou eenkant
Meng dan die meel, bakpoeier en sout. Vryf die orige botter in tot krummelrig.
Voeg by:  sampioene, karringmelk, helfte van die melk en die tiemie blaartjies.
Meng die deeg liggies, voeg nog melk by as dit te droog is.
Keer die deeg op 'n oppervlak wat liggies bestrooi is met meel en druk liggies met jou hand plat.
Sny in vierkante, ongeveer 8 en plaas op die bakplaat.
Verf met orige melk en bak vir 15-20 mins.
Sit voor met ....  Gerookte Snoek Patee....  of enige van jou keuses.
++++

[Naas]

Dit klink lipsmak,-lekker.

[Meraai vannie Baai]

Ek is al te stemmerig vandag, lol - stem alweer saam Naas. Dit klink heerlik verby Elle.

[Angelica]

Dit is regtig baie lekker.
Ek sou wou weet hoe julle dit vind as julle dit gemaak en geproe het.