Konveksie-oond...

[Angelica]

Ek het 'n stoof met 'n oond.  Die gewone stoof met 'n oond.
Maar omdat ek arm en spaarsamig leef, gebruik ek nooit my oond nie. Blameer Eskom daaroor.
Ek verhuur dit uit aan 'n kolonie kokkerotte, maar het nog geen rent ontvang nie.   
Ek wil 'n konveksie-oondjie aanskaf vir al die lekker bak resepte uit Mamma se oer resepte-boeke. 
Het iemand so 'n oondjie en werk dit presies net soos 'n gewone oond?  Verbruin dit ook geregte met die bakproses?
Wil nou ook nie 'n kontrepsie aanskaf en is teleurgesteld nie.

[Angelica]

Mmmmm... lyk my nie enigiemand het 'n konveksie-oond nie..

[Fransi]

Jammer, ongelukkig nie.

[Meraai vannie Baai]

Lees ek weer suutjies oor 'n gas se skouer. Ons het enetjie en ek dolverlief op hom. As hy die gees gee draai ek Outop se arm net daar vir ander ene. Ek maak amper alles in ons sin gaar. Geniet hom veral om disse te verbruin en ons kabouters glo die chippies wat uit hom kom, is beter as die Fillistyn se kafee op die hoek sin 

[PM]

Ons het 'n ruk by oudste gaan kuier en besluit toe om vir hom so 'n konfeksie-oond te koop vir 'n dankie-sê geskenkie.  Sy ou mikrogolf is al so geroes dit lyk of dit iewers van 'n skrothoop af opgetel het.
Ons het bykans agteroor gefoeter toe ons sien wat die pryse is vir die nuwe tegnologie konfeksieoonde. 
Amper R12 000. 
Ons het maar 'n meer "besadige" oondjie gekoop wat seker maar dieselfde sal werk.
As jy 'n konfeksieoond aanskaf, maak seker dat dit 'n retosirie in het.  Die "gerolde" hoender wat daaruit kom is hemels, sag en sappig.