Hoe het ons lewens nie aangestap
soms ons wêrelde uit pas
Tye het jeug verruil vir die gryse aanstap
mooie herinneringe het gekom en gegaan
so baie kon ons deel
tussen lief en leed
van verstaan
Ons lewens het baie lag gedeel
soveel skertsende oomblikke
sou ons nooit verveel
Mekaar ondersteun
hoofstuk na hoofstuk deurgestoei
nooit sonder hoogtepunte wat boei
soms skryf ons 'n spanningsverhaal
om dit dan weer só pragtig te vertaal
altyd 'n klimaks ontplooi
selfs 'n nuwe begin uit niks gebore
In 'n onbewaakte oomblik
kon die vyand
'n deur van vinnig reageer
wawyd kom oopstoot
Hoe het die Heer ons nie gedra
selfs seisonaal verdra
ons gesin geseën
elke iedere een
ons ouerhuis roep ons kinders byeen
hul kon kom en gaan
ons kon hul van raad bedien
of uit vrye keuse laat begaan
Op ver paaie moes hul noodwendig loop
verseker van ons Vader se bystand
in donker tye glo in Sy hoop
Goue jare is verby
verskillend optree en selfs besin
ons kon weer voor begin
'n terugflits-keuse
ons eie verantwoordelikheid
mag ons die mooi van die toekomsjare verhaal
deel wees van liefde
'n lewensgeskenk
om onvolmaakte wêrelde vermoënd te laat
Liefde uit Hom gebore
laat ons dit aangryp koester
dit is tydloos
nooit verouderd of verlore
