Vroue Monument

[Ans Botha]

uit koue blou grys graniet
is jy gevorm tot vrou
met oë wat oor vlaktes staar
met slap kind op jou skoot

geveg vir volk en vaderland
jou stem verhef teen vyand
met geweld jou verset
vir kos en drank

op jou knieë jou verneder
gesmeek vir medikasie
vir siek kind
gevloek en geskel was jy

jou trane het hul laat lag
hul gespot het jou verhard
sterk gemaak vir more
wanneer son weer skyn

voor haar bedjie op vloer
het jy biddend gesmeek vir genesing
slap het jy vorentoe geval
moeg van uitputting het slaap jou oorval

sonder trane het jy gestaan
langs oop graffie afskeid geneem
van jou dierbare kind
wat niemand wou help

[PM]

Baie mooi Ans.  Jou skryfwerk verbeter by die dag.   

[adele]

pragtig Ans.
verlede naweek was daar heeltyd feesvieringe by die Vrouemonument wat vanjaar 100jr oud is. die volkspelers het die mooiste vertoning gegee... met spel, sweepslag en beesvelgooi.

[Ans Botha]

Dankie PM. Ja Adele op skool het ek ook volkspele gedoen, min geweet watse impak dit vandag op my sou he. Op skool verstaan 'n mens nie werklik alles nie, jy geniet die geskiedenis maar verstaan nie alles soos jy dit moet verstaan nie. Ek wens ek kon daardie plegtigheid bygewoon het.

[Rainier]

Dis so diep, heil die vroue van ons volk! Baie mooi, ek is mal oor die gedig.

[Ans Botha]

Dankie Rainier ek waardeer jou kommentaar.

[PM]

Adéle, kom vertel vir my wat is "beesvelgooi", anders sal ek oningelig bly.   

[adele]

hi vriendin,
gaan kyk hierso om die foto mooi te sien, dis geneem tydens verlede jaar se junior-toer na Europa.

die beesvel is 'n saggebreide vel met lussies aan en elke neef vat 'n lus in elke hand vas, dan klim 'n kind daarop en begin die mans die vel op en af wieg ... tot hulle dit lekker aan die beweeg het en dan skiet hulle die kind die lug in. dit was 'n item tydens die voortrekkerjare se ontspanningstye... word met groot omsigtigheid gedoen en daardie kind moet ook weet hoe om te val. hy moet heeltyd sy arms om sy knieë vashou want as hy los en sy arms in die lug gooi, val hy soos 'n vrot vel met swaaiende arms en bene terug.   

https://www.facebook.com/photo.php?fbid=1424898984403644&set=a.1424899077736968.1073741827.1424894374404105&type=1&theater

[PM]

Baie dankie vir die inligting en sommer nog 'n foto daarby.     Ek lief jou matertjie.   

[Ans Botha]

Dankie vir die inligting adele. Het my laat terug verlang na Oupa plaas se tye toe. Die tien seuns het hulle kinders op die plaas so vermaak daardie tyd.

[Fransi]

Aangrypend geskryf.

Baie interessante inligting oor die beesvel.

[adele]

hierdie is baie kort maar as julle deurkyk, sal julle sien hoe word die beesvelgooi gedoen.

http://www.youtube.com/watch?v=Qy_fII_y4-s

[Ans Botha]

Dankie Adele dit is te oulik