Oom Bil, my ma se broer op Veldrift gaan gereeld na die plaas waar hulle rooibos kweek. Hy gaan kry die takkies/blaartjies wat te dik is vir die sakkies en dus weggegooi word. Hy trek die uitskottakkies want hy se dis varser en meer gekonsentreerd as die wat jy in die winkel koop. Elke oggend maak hy sy rooibosstee en dan word dit met bietjie heuning versoet en van die suurlemoene uit sy eie tuin se sap kom ook in sy brousel. Sy rooibos brousel is regtig lekker. Hy drink dit deur die dag sommer koud as dit al afgekoel het.
Sy laaste ondersoek by die oogarts moes hy twee keer sit vir die oogtoetse want sy sig het aansienlik verbeter na sy vorige oogondersoek en sy brille kon dienooreenkomstig aangepas word. Deesdae is sy bril meer van sy oe af as op. Hy beweer dat dit die rooibostee is. Dit is dalk waar maar hy eet ook geweldig baie vis en ek vermoed dat die kombinasie van vis en vars rooibos dalk die ding doen vir hom.
Hy is nou 82 en nog op en wakker. vang self vis, bly alleen en sorg heeltemal vir homself.
