Liedjie vir jou mamma

[Ans Botha]

ek bring vandag hulde aan jou mamma
aan die kere soveel jare gelede
het mamma gewaak
gepantser met gebede
daardie donker bruin oë
vol angs langs my bed gewaak

dankie mamma
vir die jare saam met jou
dankie vir gebede
al het ek soms nie geweet

ek bring vandag hulde aan jou mamma
vir elke roos uit jou hand ontvang
die saamwees elke dag
lang ente se stap langs die rivier
wyse raad elke drukkie elke traan

dankie mamma
vir die jare saam met jou
dankie vir gebede
al het ek soms nie geweet

ek bring vandag hulde aan jou mamma
hier langs jou graf
weet ek sal jou nooit kan vergeet
van liefde so groot soos jou hart
uit jou moedershand

dankie mamma
vir die jare saam met jou
dankie vir gebede
al het ek soms nie geweet

[Meraai vannie Baai]

Ans dit is prrrragtig en sou ook perfekte lirieke wees as iemand dit vir jou kon toonset 

[PM]

Baie mooi geskryf Ans.  Ek stem, daardie refrein soek na note. 

[adele]

pragtige woorde en herinneringe.

 

[Ans Botha]

Dankie aan almal van julle ek waardeer julle komentaar baie

[Meraai vannie Baai]

Toe ek hierdie woorde lees het Andre Bayman se liefste mamma van my dadelik op die voorgrond weerklink. Kan my net indink hoe pragtig jou lirieke kan klink Ans. Hier is die skakel na Andre se liedjie opgedra aan sy mamma.

http://www.youtube.com/watch?v=vT0vwpDmD9M&feature=related

007 kom bedel: Ans, mag ek groot asb hierdie bydrae van jou in ons boekie van woorde by die lirieke afdeling ook gaan bewaar?

[Ans Botha]

Dankie vir die skakel Meraai. Jy is welkom om dit te doen.

[Ans Botha]

Ek het gaan luister Meraai dit is so mooi. Weereens in trane!