weer baie fotos
donderdagaand half 9 het nog 4 manne van worcester by ons aangesluit. 2 is baie ernstige vissermanne en die ander 2 probeer ook maar soos ek.
vrydag oggend is ons weer af see toe en die keer op die rotse vir hoogwater. lyk kompleet of wouter wys en sê: jy moet net daar gooi, dan sal hulle byt.
ek het weer my kamera saam geneem en die rooisee afgeneem
en die blou see ook
dit was vrek koud daar teen die see, so koue suid oos wind wat gewaai het na die kouefront verby is.
piet besluit toe hier is so baie dryfhout mens kan netsowel 'n vuur maak. ons eerste 3 manne se lywe was teen die tyd al seer en styf van op en af teen die duine en ver stap langs die see.
ek het toe maar weer om tyd te verwyl klomp fotos geneem. eintlik moes ek die 3 poot saam gebring het maar mens kan ook nie als saamneem nie.
so sit en staan ons maar met die hoop dat daar iets byt
en kyk maar hoe die see vol raak en leeg raak
die see is erg klipperig daar
en mens is net dankbaar as jy jou gereedskap voor aan die lyn weer terug kry.
en so met die wag het ek my maar besig gehou met fotos probeer neem
en so na middag ete van 2 toebroodjies het ek maar op die grond gelê en s;laap vir so 5 minute. die ander ouens het my al begin spot dat ek net so vinnig op my sy lê en voor hulle weer lekker kyk het ek klaar geslaap en is ek weer op en wakker om verder niks te vang nie.
dan neem ek maar nog fotos van die water wat kom en gaan
jammer oor die baie water fotos maar dis al wat daar verder was om af te neem
daar het darem 2 voëls wat ons aas dopgehou het kom sit.
die manne sit toe al so lank en wag dat hulle al oud geraak het
en hier vang piet werklikwaar 'n strepie
en peet het besluit hyt nou genoeg gehad van die dag se vistery
word vervolg
