Taalskatte

[Meraai vannie Baai]

Ek lees hierdie raak en het myself verkrukkel in die omvang van ons taal. Hoop jy geniet dit saam. (Dankie pinterest - jy was 'n slagoffer van die woorddief.)

Ek het nou net Jaws op DVD gekyk. Dit was in high definition.

En toe kyk ek 'n film oor tuingereedskap. Dit was baie grafies.

Ek wou 'n grappie oor boomstompe maak maar dit is afgesaag.

Om taai biltong te eet is nie 'n straf nie, dit is 'n sening.

Ek wil jou 'n Eskom grap vertel maar ek het nie krag nie.

Hierdie load shedding ding sit my net so liggies af...

Ek het my hond iewers op 'n groot sandhoop verloor. Dit was 'n great duin.

As jy geld by 'n bank leen is dit jou eie skuld.

Bly kalm en vloek saggies.

Hulle maak 'n TV series oor al Zuma se vroue - Game of vrouens.

Gehoor van die ou wat 'n almanak gesteel het? Hy het 12 maande gekry.

Iemand het die plaaslike tuisnywerheid beroof. Van al die misdade vat die een die koek!

 

[Naas]

Ek wou n kaartspel hiervan maak
Maar ek moet erken ek is getroef.
Ek gaan nie my hand ingooi nie
Sal later nog n pot probeer.

  

[Meraai vannie Baai]

Ek like  ek like 

As jy hard werk sal jy eendag die vrugte pluk, as jy nie hard werk nie gaan jy eendag vrugte pluk.
Ek wou mos studeer om 'n veearts te word, maar na 'n jaar word dit 'n dier storie!
Vanoggend toe ek op die skaal klim toe sien is daar is 1% btw bygevoeg.
Navorsing het bewys dat dit nie die ooievaar is wat verantwoordelik vir babas is nie, dit is 'n baie kleiner vogeltjie.

[PM]

Pragtig gedoen.  Naas, jy sal moet werkmaak hiervan, jy kan nie toelaat dat iemand met jou kallers ploeg nie.

[Assie]

Ek dink nou weer aan die straattewe in die Kaap en hul nuwe TV program - Stoot vir 'n Noot. 
Toe wou die tantes in die huis vir bedaardes ook 'n gesellinklub oopmaak. Na lang berading noem hulle dit - Looi 'n plooi.


 

[Meraai vannie Baai]

Ek lag dat die stof om my pad vat 

[Assie]

Weet nie of Oom Naas die al op die forum vertel eht nie maar Oupa wou hom dood lag.

Die ou omie in die ouetehuis het 'n nota op sy deur gesit. Seks: Op die mat - R10.00.     Op die stoel - R15.00.   Op die bed - R50.00
Later kom die ou tante na hom toe met R50.00.  Hy se sy kan maar solank op die bed klim.
"Nee Pappie" se sy. "nie op die bed nie. Vyf keer op die mat"


 

[PM]

Hier by ons stoot hulle vir 'n brood.  Dit is nou karre. 
Dit laat my dink aan die grappie (of was dit 'n ramp) van die twee wat uitgeklim het om te stoot en toe hulle terug kom is die kar weg.

[Meraai vannie Baai]

O my wereld, ek bulder alweer fiskriklik onvroulik diekant van die aardbol. Nou ja, ek moet gaan pak. Outop wil more oggend vroeg wegtrek. Darem nou orals gou opgevang waar julle ingeloer het. 

[Assie]

Van stoot gepraat:-

'n Laatlam - oorstoot drie in beseringstyd of 'n ou padda wat met 'n slap riem gevang is.