Winter in Maart...

[Angelica]

winternag se onthou

my hande oor jou kaal
rug se biltonge   jou skouers   
jou asem hortent in my nek
jou naak bene se kalm vel streel
die oorverhitting van myne

ek blaai en blaai

deur joernale se gange van onthou
ek proe die eindelose oggende
van bekersvol wat oorloop
later leegloop

ek blaai en blaai

deur dagboeke van gister se drome
na ritte oor woestyn en klip en sand
en sproei wat opwaai teen ons bene
op Blouberg se strand
gedigte lees op 'n kombers onder
wilgerbome teen Zevenwaght se rand

jou ewig positiewe raad

die oggend is grys
ná hierdie wintersnag in Maart

[PM]

Wow!  Dit is pragtig geskryf Angelica.  Ek leef my in in jou mooi gedig.   

[Naas]

Ek stem saam. Die vrou MAG maar.

[PM]

Sy bly nie ver van julle af nie           Sy sal maar self moet kom praat. 

[Louis]

yip!! julle is reg....sy mag maar.  besonders verwoord en pragtig beskryf

[adele]

skitterend.

[Ah Willa]

pragtig!

[Meraai vannie Baai]

Trippel WOW!! 

[Angelica]

Dankie Meraai. 
Ek dink ek gooi hom ook innie Boek2 

[Meraai vannie Baai]