wanhoop se as

[Louis]

In die vuurherd van vervloë liefde
graaf vlenter vingers deur koue as
dolwe steeds vir n stukkie lewe
op soek na n kooltjie
wat dalk  nog brand.
kapok-as sif nog sagkens neer
na asemwind se waai
bloedbevlekte vingers in lap toegedraai
vuilblink
die kronkelspruitjies
geëts oor stofbedekte wange
slootjies vlak gekerf
deur wanhoop se trane
als vergeefs
als gewis
smeulend die verlange
na n liefde
lank      lank reeds geblus…

[PM]

Droewig. Hartseer. Die gedig spreek van verlatenheid.  Baie goed geskryf Louis.

[Meraai vannie Baai]

  mooi Louis!

[Angelica]

Aaaa... jy beeld dit so werklik, jy laat my 'n knop in my keel kry.

[Fransi]

 

Hartbrekend mooi geskryf. Pragtig.

[Ah Willa]

jou gedig laat my die pyn van verlaatenheid ervaar - baie mooi geskryf