Dit is nogal 'n bitter tamaletjie, die vraag van jou.
Daar is nie regtig 'n klinklare antwoord waar of hoekom die voorvoegsel "bitter" sy ontstaan gehad het nie. Wel die volgende bespiegeling. (julle moet onthou dat iemand gewoonlik die woord "skep" en omdat dit dan in die volksmond gaan lepelê word dit later algemene gebruik.)
Dit kan wees dat die "bitter" ingespan is om klem op die daaropvolgende woord te lê omdat bitter so 'n sterk "negatiewe" smaak is. Omdat dit so lekker saam met die oorspronklike woord gegaan het het dit later as voorvoegsel by ander woorde verskyn om dan dieselfde tipe klem op daardie woorde te lê. Heel waarskynlik is dit aanvanklik saam met soet as 'n teenstelling gebruik en het dit van daar na ander woorde gedwaal.
Dit is ongelukkig die enigste verduidelikking wat ek dusver kon opspoor maar ek sal aanhou soek vir nog.
Wanneer ons klaarheid gekry het oor die antwoord sal ons dit na die woordeboek verskuif.
