Vaal Tuintjie

[Naas]

In my vaal tuintjie
waar die droë grasse
sukkel om te oorleef.
Tussen verlepte varings
en geplooide kaktusse heen.
Ja, daar in my verlepte,
vergete, vergeelde vaal ou tuintjie,
daar beur 'n roosboompie
teen die natuur.
En 'n geurige bloedrooi roos
vou sy delikate sysag lippies
skugter oop vir my.

En jy, my valentyntjie,
tussen al die dorre bloeisels
in my eie vaal ou tuintjie,
is daardie roos vir my.

[Meraai vannie Baai]

Gekroonde lyne wat blom in jou Vaal Tuintjie Naas 

[PM]

Aitsa, sneeu op die berge maar vuur in die valei.   

[Naas]

Op daai berge begin die klippe nou deur die bossies groei.

[Trapsoetjie]

Dis mooi Naas.

En 'n geurige bloedrooi roos
vou sy delikate sysag lippies
skugter oop vir my.

Mooiste mooi woorde....

[Naas]

Dankie my skat.

[Ah Willa]

elke tuintjie dra sy kruis en mooi kleure en geure - prag gedig Naas!

[adele]

van jou mooiste tuintjie-woorde

[Fransi]

Pragtig.