Koi

[Angelica]

Toe die rooi vis deur die water breek
het jou hand gegly
het jou hand gegly
teen my kleinrug

Toe die rooi vis deur die water breek
het die son geskyn
het die son geskyn
oor my hartsvrug

©Elsabe

[Meraai vannie Baai]

Ek het kom hang aan hierdie woorde, heen en weer geswaai saam met die herhaling en gewens ek kon jou sien sit by 'n kaggelvuur en jou stem dit hoor voordra Angelica! Lankal het ek by die Woesblad 'n voorstel gedoen dat ons 'n klankopname maak van ons abc skeppings vir mense met swaksig ens. Hierdie ene sou ek beslis wou hoor, soos soveel ander van die werk wat hier wegkruip op die werf!

[PM]

Ek het al die klankopnemers gekoop Raaitjie, as ek tuis is sal ek werk daarvan maak.  Ek is soooo bevoorreg om vir Engeltjie hier by my te hê en Vrydagaand sal sy moet voorlees!  
Naas sal sy opnemertjie moet saamneem, dalk kan ons iets goeds hieruit laat gebore word.

[Fransi]

Werklik besonders.

[PM]

Skuus Engeltjie, ek het net gou die boesman uit jou rooi vis uitgesny.   

[Louis]

ek hou baie hiervan. ek kan die woorde visualiseer en die prentjie is pragtig

[Angelica]

Dankie aan almal wat dink my rooivis versie is besonders.
Dankie ook aan PM wat die boesman in 'n rooivis verander het.
Meraai, ek wens ons kon soms net by mekaar sit en voorlees.  Sou dit nou nie ideaal wees nie?