Die Stofluis gaan nou raas met elkeen vir wie die skoen pas.
Die agtergrond: Dit gebeur al hoe meer dat mense wat 'n saamrygeleentheid kry saam met luis, ewe min gepla uitklim uit die voertuig as dit klaar geparkeer is, en die deur ooplos en wegstap asof dit die natuurlikste ding op aarde is.
Die Raas: Jy het die saamrygeleentheid gratis gekry. Jy het selfs jou peuselhappies se paiere so ewe skelm onder die voertuig se sitplek weggesteek. Tot hier toe, nog geen ernstige probleem nie. Maar Luis ry ook met ander mense se bronne en eiendom in die voertuig. As ons dus iewers stop en ingaan in 'n gebou of sentrum in, wil Luis graag sien dat die dinge darem effe beveilig word. Maar jy wat saamry, voel mos 'n veer. Jy los net die deur waar jy uitgeklim het oop. Aan elkeen wat hieraan skuldig is, luister mooi na die luis. As hy saam met iemand ry, sluit SELF die deur waar jy uitklim. Toon respek vir die toerusting en bronne wat veilig binne in die voertuig behoort te wees. Moenie van die weldoener wat jou opgelaai het, verwag om ewe elke keer reg rondom die voertuig te moet stap, inspeksie te hou of sy pasasiers wel gesonde denke aan die dag gelê het, en indien nie, ewe dan maar self daardie oopgelosde deure sluit. En as jy daaroor aangespreek word, moet veral nie dan 'n aanvallende houding inneem nie.
Luis behou die reg voor om enige passasier wat hom verder op hierdie manier tempteer, enige verdere geleenthede te weier.
Die kern van die boodskap: As iemand jou 'n geleentheid aanbied MAAK SEKER jy sluit SELF die deur waar jy uitklim. Jou weldoener is nie jou slaaf nie.
