Die Afrikaanse Forum
Kom skryf saam in jou eie plekkie => Kom deel jou woordwerke => Adéle se plek => Topic started by: adele on May 12, 2021, 08:55:16 PM
-
vuurherd van sy lewe
stomp vir stomp
pak hy die kaggel
vol verwerping
uit sy gisterlewe
en vul die binnekant
met fynhoutjies
uit sy geheue op
deur sukkel-emosies
van vandag se haat
vol kinderjaloesie,
skep hy uit sy tonteldoos
’n vlammetjie geel
om die winterkole
aan die brand te steek
vuurtonge vreet gulsig
aan sy emosies
en verbrand stompe vol vrae
om sy vuurherd later
leeg, kaal te laat …
en deur die skoorsteen
koel ’n sagte suising
sy koorshitte af
verdof sy leë blink lewe
soos sterre met dagbreek
en voor die Lig deurbreek
gryp hy Sy Hand vas;
onthou hy
en skep hy oorvloedig
uit die as te strooi
vergifnis
vrede
rus
©adéle theron
-
En so kronkel ons elkeen se lewensverhaal, afgemeet deur Vader Tyd... :notworthy: :icon_salut:
-
:love7: :wave:
-
Woordeloos! Wat kan ek sê! :love7: