Die Afrikaanse Forum
Kom skryf saam in jou eie plekkie => Kom deel jou woordwerke => Anastasia => Topic started by: Anastasia on May 28, 2018, 12:46:43 PM
-
Hier wil ek sommer net verse kom plaas wat nie my bundel se dermuitryg is nie, en ook nie in Engels nie.
Die versie het een oggend gekom terwyl ek sit en hare droogblaas het. Ek dink Jack de Priester sal 'n goeie song kan maak, dit herinner nogals ietwat aan sy Sally Williams Nougat
EK EN JY
jy's my eerste oggendkoffie
jy's my lig se skakelaar
jy's my taai-soet creamy toffie
jy's my blues-kitaar se snaar
ek's die suiker oor jou corn flakes
ek's jou motorfiets se stuur
ek's jou deur-die-dag se smoke-breaks
ek's die skuim bo-op jou bier
jy's die ritme van die versie
jy is elke woord se rym
jy's my donkernag se kersie
jy's my hart se wonderlym
ek's die tik van jou horlosie
ek's jou snoesig-sag kombers
ek's die doef-doef van emosie
ek's die voorraad in jou spens
jy's my ongesprook gedagte
jy's my laaste legkaartstuk
ek's maar net jou ander helfte
wat steeds aan jou hart kan pluk
Kopiereg voorbehou
Anastasia Bester
-
Ek lief lief lief! Jy laat die ab, ab rympatroon so gemaklik op die oor en oog val dat my vingers ritmies hunker na klawers en akkoorde.
-
Dankie, soos altyd, Meraai. :sunny:
-
Liefde en waardering vir mekaar. 'n raar verskynsel in die moderne tyd.
:icon_bigsmurf:
-
Ek gaan myself verstout en dit weer se: Hier skitter woorddisse in suiwer goud op die forum
:book1: :notworthy: :icon_salut:
-
Baie dankie julle, weereens. Ek MOET darem bysê die een is so in 2009 geskryf. Intussen het daar weer BAIE dae gekom dat ek spyt was dat in tye van groot liefdesopwelling, toe ek die ou wou opvreet van liefde, ek dit nie maar gedoen en klaargekry het nie! Bwhah ha!
-
Giggel ek nou in my mou. Wil nie aanstoot gee nie maar darem is jou humorsin aansteeklik Anastasia :headbang:
-
:kermit: :love5:
-
Ja matertjie, ek bid ook nie vir krag nie en nou kom vertel jy vir ons wat ons jare gelede al moes gedoen het. (Lag)
-
PM, dis my stukkie gryse waarheidsraad aan alle jong verliefdes: vreet mekaar op en kry klaar wanneer jy as jongeling die lus daartoe kry. Want na 40 jaar saam gaan jy spyt wees jy het hom/haar nie maar natgelek in heel ingesluk nie!
-
Is waar. Na 40 jaar se inflasie raak dit 'n saak van epidermiese proporsies. :dontknow:\
:icon_bigsmurf:
-
Hahahahahaha. Nou ja, ek het my lagpil vir die dag in. Gaan nie verder kuier nie want die ouma kry kuiergaste die naweek en daar is 'n paar bederf-disse belowe. Geen wonder hier is ook epidermiese proporsies a.g.v inflasie. Ek giggel alweer.
-
Dit verskaf vir my groot vreugde om te sien waar 'n onderwerp begin en waar dit eindig. Hierdie een het in Naas en Anastasia se magies beland, nog nie ge-eindig nie.
Ek onthou nog hoe kwaai die tannie by die woeste woude geraas het as almal nie by die onderwerp gehou het nie. Hê-hê.
Hier maak dit nie saak nie, sodra almal net gesellig saam kuier. Dan het ons ook nog ons eie siening omtrent "hou by die onderwerp".
-
Ons kuier soos wat ons boeke se omslae aandui ne!
-
Met my en naas se 'balhorigheid' is dit moeilik om by die 'onderwerp' te hou. En nou wil ek weer 'speel' met daardie woorde, maar o tyd, dit raak stout~
-
Onderwerp :nono: My gedagtes is mos soos daai wille perre van Namibia, daar waar jy die wortel swaai, daai rigting koers hulle. Hulle laat hulle nie onderwerp nie.
Onthou nou. Was dit dan nie Gatiep wat vir Meraai onderwerp het en haar in die ander tyd gesit het nie. (die ander Meraai, nie ons Meraai nie.)
:icon_bigsmurf:
-
Ons eie Meraai se ore tuit nou! En dit het Gatiep se Meraai toe van Gatiep se balhorigheid!
-
Julle twee se "ander verse" is verfrissend. :book1: :toothy4: :love7: