Die Afrikaanse Forum

Woordskuur => Kreatiewe Skryfstyle => Topic started by: Meraai vannie Baai on May 21, 2018, 04:19:12 AM

Title: Die 5 W's skryfstyl as gedigstruktuur.
Post by: Meraai vannie Baai on May 21, 2018, 04:19:12 AM
Baie jare gelede het ek die 5 W's skryfstyl gedeel. Hierdie riglyne kan ook toegepas word in 'n eenvoudige gedigstruktuur.  Daar is geen voorgeskrewe digvorm of rym vereistes nie. Jy antwoord bloot net vyf vrae in vyf reëls.

Reël 1: Oor Wie/Waaroor gaan die gedig?
Reël 2: Watter aksie vind plaas?
Reël 3: Waar vind die aksie plaas?
Reël 4: Wanneer gebeur dit?
Reël 5: Waarom gebeur dit?

Vyf vrae
word geantwoord
op die skerm voor jou
en binne 'n ommesientjie
pronk jou 5 W's gedigstruktuur.

Daar is soveel moontlikhede as jy begin woeker met hierdie eenvoudige skryfstyl.

Title: Re: Die 5 W's skryfstyl as gedigstruktuur.
Post by: Naas on May 21, 2018, 09:18:44 AM
Kom ons praat gou hier van Zuma
Hy soek vroue vir sy woema
Oral op Nkandla
word daar elke dag gevra
vir nog kinders om sy beeste aan te ja.



 :icon_bigsmurf:
Title: Re: Die 5 W's skryfstyl as gedigstruktuur.
Post by: Meraai vannie Baai on May 21, 2018, 09:25:00 AM
 :toothy4: :hello2: :notworthy:

Terug gesluip na hierdie kostelike voorbeeld van jou Naas. Dit is dan ook 'n perfekte voorbeeld van die Mono-rym struktuur waar al die woorde aan die einde van elke reël moet rym. Welgedaan weereens  :`ip2:
Title: Re: Die 5 W's skryfstyl as gedigstruktuur.
Post by: PM on July 23, 2018, 12:41:14 PM

Onse lief Meraai vannie Baai,
met haar pen laat sy louter waai
hier op ons  Afrikaanseforum
van soggens vroeg tot snags laat
slegs vir die liefde van die saak.


Sy is lief vir skryf en lees
elke oomblik van haar menswees
voor die stoof of in die bed
skryf sy versies en liedjies
oor alles en nog wie weet wat.
Title: Re: Die 5 W's skryfstyl as gedigstruktuur.
Post by: Meraai vannie Baai on July 23, 2018, 11:13:38 PM
 :icon_bigsmurf: Hoe skryf mens dankie dat die ander persoon presies weet HOE opreg dit bedoel word? Perfekte 5 W's matertjie
 :notworthy: :angel8: :book1:
Title: Re: Die 5 W's skryfstyl as gedigstruktuur.
Post by: PM on July 24, 2018, 02:13:03 PM
Dankie Raaitjie vir jou dankie.   :icon_biggrin: 
Die "louter" in die twee lyntjie beteken ook eerlik en opreg.  Dit beteken alles wat jy skryf kom uit jou hart en daarom weet ek dat jy altyd bedoel wat jy sê!  Verstaan? 


Die eerste deel is van bo na onder en die tweede deel is van onder na bo.  Sommer net gou die pen gekryp en saam gespeel.  Nou daag ek al die ander ouens om iemand hier op die forum te kies om mee saam te speel. 
Title: Re: Die 5 W's skryfstyl as gedigstruktuur.
Post by: Meraai vannie Baai on July 24, 2018, 10:48:35 PM
WOW! Ek het nie besef dat jy so getoor het met die formaat nie. Welgedaan en weereens dankie. Hierdie forum van jou is my redding en skuilplek wanneer alleen my bekruip. Tussen julle lyne voel ek veilig en beskut en welkom!
 :book1: :love7: :hello2: :notworthy: 
Title: Re: Die 5 W's skryfstyl as gedigstruktuur.
Post by: PM on July 25, 2018, 11:42:32 AM
Dit is wonderlik om te weet!
Gaan jy nie 'n 5 W's oor Naas skryf nie?  Toe?
Title: Re: Die 5 W's skryfstyl as gedigstruktuur.
Post by: Meraai vannie Baai on July 25, 2018, 01:06:43 PM
More sal ek die abc'tjies nader hark en kop krap hoor! Belowe niks, maar sal probeer  :bootyshake:
Title: Re: Die 5 W's skryfstyl as gedigstruktuur.
Post by: Meraai vannie Baai on July 25, 2018, 11:42:51 PM
Naas Breytenbach, ons eie Langenhoven
vang stukkies onthou ewe behendig vas
in woorde vanuit grysmassas en pen dit dan
liefs dadelik neer want woorde, so vertel hy
is pixels waaruit ‘n siel se prentjies bestaan.

 :book1: :notworthy: :icon_salut:
Title: Re: Die 5 W's skryfstyl as gedigstruktuur.
Post by: Naas on July 26, 2018, 12:24:53 AM
PM onse eie forum moederowerste
Hou die forum bymekaar
Hier in die kuberruimte
Tussen Hannes en aftree se niksdoen
Omdat sy ons stukkend liefhet.

Anastasia, my eie noorderliggie
Skyn soms my donker dae lig
In die datagange van my rekenaar
Wanneer ek dit allermins verwag
Want sy kan.

Meraai uit gatkantland se baai
Dra woorde in 'n mandjie
Sy sê sy stoor hul iewerste
Voor sy gaan slaap
Anders verloor ons hulle in tyd se spasies.
Title: Re: Die 5 W's skryfstyl as gedigstruktuur.
Post by: Meraai vannie Baai on July 26, 2018, 12:32:04 AM
 :toothy4: :icon_salut: :notworthy: :hello2: :love7:
Title: Re: Die 5 W's skryfstyl as gedigstruktuur.
Post by: PM on July 26, 2018, 12:15:36 PM
Wonderlik, nou wag ek vir die ander ouens se bydrae.  Ek kan sien julle het nog die gawe om woorde mooi te rangskik!   :love7:
Title: Re: Die 5 W's skryfstyl as gedigstruktuur.
Post by: Meraai vannie Baai on July 27, 2018, 05:15:08 AM
Ek het Adele se eie woorde uit haar eerste plasing vanuit haar plekkie, geskommel vir hierdie 5 W gedig :notworthy:

Annie was 'wegkruipdiertjie' in 'n woordblok van ys
wat uiteindelik gekraak het en baie skugter
het onse Annie op 'n bankie van haar skrywerswa gaan sit
na lang tye van skarrel, drup letters weer uit splinterskeur
om 'n nuwe lewe uit die koue as te kerf.
May 24, 2011

 Lief jou kosbare woorde vriendin :love7: :book1:
Title: Re: Die 5 W's skryfstyl as gedigstruktuur.
Post by: Meraai vannie Baai on July 27, 2018, 05:57:43 AM
En hier is Angelica se woorde in 5 W vorm  :notworthy: :hello2:

soos die eensame meeu
wat hang op die windstroom
gilskree ek na die hemele
na God wat my uit stof gemaak
en toe vergeet het...

July 15, 2015

:love7: :notworthy:
Title: Re: Die 5 W's skryfstyl as gedigstruktuur.
Post by: Naas on July 27, 2018, 06:31:31 AM
WOW!!!!
 FLIPPEN  WOW!!!!!



Title: Re: Die 5 W's skryfstyl as gedigstruktuur.
Post by: PM on July 27, 2018, 10:15:04 AM
Uit die boonste rakke.  Pragtig verby!   :read: