Die Afrikaanse Forum
Die kuierstoep => Kom kuier saam => Topic started by: PM on December 11, 2015, 09:45:55 AM
-
As kind was dit 'n tyd vir kuier. Almal was met vakansie en almal het by ons huis kom kuier. Ons het nooit geskenke uitgedeel nie. Ek weet net dat dit vir my 'n tyd was van harde werk. Almal was altyd te besig met iets anders om te help kosmaak of skottelgoed te was. Wonderbaarlik was elke eter betyds vir ete. :icon_scratch:
Vandag nog koop ons nie geskenke vir mekaar nie. Ek maak nie tafels wat kreun vol kos nie. Vir ons is dit net nog 'n gewone dag.
-
Ons huis was ook gewoonlik die bymekaarkomplek tydens kerstyd. Nou is die familiekringetjie heelwat kleiner maar die tradisie van flikkerende liggies en ietsie van alles wat ons geniet op een tafel tussen al die 'bling', nog dieselfde :icon_bigsmurf:
-
Een jaar by my familie en die volgende jaar by my skoonfamilie. Soms op ons eie. By my kant van die familie word daar baie gespeel en die geskenke is gewoonlik klomp kleintjies i.p.v. een groot geskenk. Dit voel altyd vir my soos 'n skattejag. By my man se kant kuier ons rustig by 'n vuurtjie, wyn in die hand. By albei kante is daar heerlike en 'n oorvloed van geregte.
-
Dit is vandag Geloftedag en nog net 9 slapies tot kersfees.