Die Afrikaanse Forum
Die kuierstoep => Helpmekaar => Topic started by: PM on August 15, 2013, 02:08:29 PM
-
Hulle sê agter elke suksesverhaal is 'n geheim. Nou wil ek vir julle die geheim vertel van wegkruipertjie. As jy wil saamspeel is dit van uiters belang om nie so ver weg te kruip dat jy nie gevind kan word nie. Die ander sal verveeld raak om na jou te loop en soek en dan speel hulle iets anders terwyl jy iewers wegkruip. Maak dit sin?
-
:icon_scratch:
-
is baie waar maar donkerkamertjie is baie lekkerder gewees veral as daar klomp meisies en seuns saam in die groep is.
-
Sommige mense wil nie opgespoor word nie.
Is mos baie lekkerder (en hier stem ek nie saam nie) om rond te hang as om aktief te wees.
AB, :nono:...
-
Lekker lag ek nou, fluister hulle eers in mekaar so ore wie is wie of vat elke ou maar wie voorkom?
-
voor die tyd fluister jy gou vir die gril sy hoef nie bang te wees vir die donker nie, kom kruip saam met my weg......
-
Ek het nog altyd gou verveeld geraak met speletjies. Nie lank nie of ek moet iets anders doen om my besig te hou. As ek hierdie laaste paar weke wegkruipertjie moes speel, sal ek op my wegkruipplek aan die slaap geraak het. Dan sal my maatjies maar vir my moet sê hulle wil nie meer met my speel nie. Ek sit baie dae soos 'n kind wat moet leer terwyl sy maats buite speel. Kyk deur die venster en verlang om saam te speel, maar kan nie.
-
Lekker om jou hier raak te lees Gawie. Hier waar ons nou is is die seine so swak ek word elke minuut afgegooi en dit is 'n pyn in die nek.
My matertjies kruip so goed weg ek kry hulle nie. :crybaby2:
-
Ek speel soms wegkruipertjie met myself :icon_bigsmurf:
-
Ek het begin bekommerd raak! Ek is so bly julle twiekies is geblok. :icon_biggrin: :hello2:
-
kruip ons nou vir mekaar weg, die dat ons so stil is?
-
Koeeeeeiiieeee :pottytrain5: blok myself
:icon_bigsmurf:
-
Nou het jy die aan Naas. Na wie soek jy?
-
Almal...
:icon_bigsmurf:
-
Ek sit iewers weggesteek tussen die blare van die blok-myself-boom. :icon_biggrin:
-
Ek sit in die tak net so skuins onder jou Fransi :angel4:
-
Nou weet ek waar is ons geliefde lede. Hulle speel wegkruipertjie en Gawie wil nie 'leer' nie, sy wil 'speel' :icon_biggrin: Daar is 'n sandput met 26 verveelde lettertjies wat wag.... :notworthy:
-
Die vrou wat die bespiegelings dat ek getroud is versprei se ek begin lei aan vergeetmyagtigheid. Ek vergeet so vinnig dat ek sommer met myself wegkruipertjie speel. My vrou se ek lei aan vergeetmyagtigheid.
Dit het voordele want ek kan my eie paaseiers wegsteek en ontmoet elke dag nuwe vriende.
My vrou se ek lei aan vergeetmyagtigheid.
:icon_bigsmurf:
-
Goeiste, jy het dit ernstig onderlede. Is daar medisyne vir dit Naas?
-
Giggel ek die hele huishouding van twee wakker :sign10:
-
My vrou se ek lei aan vergeetmyagtigheid en daar issie mirreseine daarvoor nie.
:icon_bigsmurf:
-
Jy kan vreeslik kluitjies vertel. As jy aan so 'n geweldige vergeetmyagtigheid ly, (lei? Het jy vergeet hoe om te spel?) hoe kan jy onthou waar om jouself te kry om jouself te blok? :evil6:
-
Waarvan praat Mevrou dan nou?
:icon_bigsmurf:
-
Ek seg jou mos! Watter vriende? Noem my een. :dontknow:
-
Vandag wil ek net wegkruipertjie speel - asseblief - moet my nie kom soek nie. Ampertjies versuie in die seepskuim hang ek toe liefs 'n witvlag en gooi kommer saam die vuilwasgoed summier weg.
-
Ek dink dit is tyd om uit te kom. Kom kom, kom staan almal in 'n ry en skree: Hier is ek!
-
Sjoe dit voel soos drie maande en sestig dae wat iemand laasiets te se gehad het hier oppie forum.
Dis so erg ek drink al koffie saam met blommetjie. Daars darem niks lekkerder as 'n spuitjie warm bies in die koffie nie.
Ryk en romerig. Hulle kan maar die dorp se kappatjinoes hou. Dit kom nie naby nie.
:mumum:
-
Jis Assie, jy is nog jonk en sekerlik rekenaargeletterd. As jy nou hier was kon ek lekker op die forum kuier terwyl jy al my probleme hanteer. Dan moet jy ook hare op jou tanne hê vir 5 ure 'n dag se kragonderbreking en dan is jou internet ook nog af.
Shoe, teen hierdie tyd van die dag is ek pootuit. :sleepy1:
More speel ek weer wegkruipertjie as ek Oom Hannes na die ortopeet toe vat vir sy heup probleem. Die arme ou loop nou so kruppel dit lyk of hy klippe soek om iemand te gooi.
Hy glo hy moet 'n heupvervanging kry maar ek dink dit is net sy skoen wat nie reg opgebou is nie.
Ouderdom is nie vir sissies nie hoor!
-
Ta PM hoef nie skuldig te voel dat die lewe gebeur nie. Ek verstaan daai ding.
Se vir Oom Hannes ek se sterkte met daai kranklikheid van die heup.
:mumum:
-
Nou-nou net deur 'n arige lys van woorde gegaan en hier lees ek Assie se kappatjinoes raak en ek weet, sulke egte praattaal-woordskatte grou jy nie meer agter elke bos uit nie.
:hello2: :notworthy:
-
Ek het al baie gewonder wat is 'n mooi afrikaanse naam vir die duur beskuimde restaurantkoffie.
Besef nou op die plaas kom die skuim en room gratis uit die uier uit terwyl die rastaurant duur masjiene nodig het vir die kusmatige vervaardiging.
Hartseer maar waar. Daar isbaie sulke voorbeelde van gratis luukses wat nou op afgebrande plase verdwyn.
:icon_bigsmurf:
-
Sluk ek nou swaar Naas. Net gister vertel Gawie vir my van die familieplaas wat afgebrand het en hoe die kannetjies help vuurslaan het in so mate dat sy hulle jammer gekry het en tuisskool 'n bietjie eenkant toe geskuif het sodat hulle kon rus.
-
En die donners wat brandsteek kom weg terwyl die aanhitsers met blosende T-hemde in die Parlement sit en slaap of skande maak.
:icon_bigsmurf:
-
So waar julle. Die wat die oorsaak van al die ellende is, is die wat bakhand by n robot staan, terwyl jy hom n randjie of n eet dingetjie gee, bewerk hy die draai-rigting van die dolk in jou rug.
Die kyke deesdae na die lootery hier by ons, die kyke uit die oog van die moordenaar, die verwoester, die een wat hom die reg los gedans het by n opstoker en propaganga byeenkoms, dis hy met sy kyke, wat die vuurhoutjie trek....
Vra ek op my kniee asseblief vergewe my, dan sien ek die vlamme en voel die hitte teen my wange gloei...
Meraai, om te dink die klonge of 'klonkies' moet eers rus oor hulle so vuurslaan... die herinneringe van ons beesplaas wat afgebrand het jare toet, en later die vreeslike brande in die plantasies van die bosbou plase.... dis nooit iets wat maklik oor jou lippe kom nie...
Sê my pa destyds, die elemente is iets wat jy respek voor moet hê my kind. Vuur, water, wind, sneeu, son... moet nooit moeder natuur kwaad maak nie.
Jy maak ook nie kinders kwaad nie....as jy hom moet foeter, dan foeter jy vir hom dat hy weet hy is gefoeter, anders maak jy hom kwaad...
n Kind wat kwaad is, verwoes alles, ook respek.
Ons speel wegkruipertjie, en soms is dit beter om langer in die donker weg te kruip, want die realiteit is soms n monster.
Maar ons is Afrikaners, en wat is ons beste karakter-trekke? Ons bou op en ons kyk op en ons beur voort.
En ons humorsin is die beste ter wêreld! Kyk nou maar vir "my f#k Marileze"... en dis maar n baaisiekel.
Ons is nou uit in die son, soek die forum se goeie geselsskap en kuier te lekker
-
En Naas se SELA!
:icon_bigsmurf:
-
Liefste ou Antjie Patat, ek gee op om te probeer verstaan wat 'n persoon na sulke dade lei :crybaby2: ons het ook die verwoesting van vure ervaar hier in Gatkantland. Ek gee ook my Sela saam met Naas op jou woorde.
Ons speel wegkruipertjie, en soms is dit beter om langer in die donker weg te kruip, want die realiteit is soms n monster.
:notworthy: :icon_salut:
-
Ek hap seker ma die poep in my badwater as ek sê dat dit tyd is om saam te staan. Verdeeldheid is 'n groot probleem.
Ek praat nie graag politiek nie, ook nie hier op die forum nie, maar as almal wat kan stem gaan stem en slegs vir die oposisieparty, sal dit baie help. Jou stem is geweldig belangrik, al sê elke tweede Afrikaner dat dit tog niks help nie. Dit help!
-
Kom ons kyk bietjie wat gebeur in die stemlokale. Ons maak dit eenvoudig.
Daar is tien mense wat stem. 6 stem ANC. Maw ANC kry 60% van die stemme.
Nou besluit een van die ander vier sy stem maak nie saak nie en hy gaan stem nie.
Inndie geval kry die ANC nou 6 stemme teen drie. Nou het die ANC 'n meerderheid van 66.7% van die stemme
AS JY NIE STEM NIE TEL JOU STEM VIR DIE ANC. Dis so eenvoudig soos dit...
As jy nie deelneem nie moet jy dus jou bek hou as dinge verkeerd loop.
:icon_bigsmurf:
-
Dankie Naas, ek wens elke Suid Afrikaner wil dit verstaan.
Kerk en politiek! Dit was die twee hoof onderwerpe in die huise toe ons kinders was. Vandag weet die kinders nie eers waaroor die politiek gaan nie, en van hulle weet ook nie eers wat in die kerk aangaan nie.