Die Afrikaanse Forum
Kom skryf saam in jou eie plekkie => Kom deel jou woordwerke => Adéle se plek => Topic started by: adele on July 25, 2013, 12:10:13 PM
-
Ek wil aan U ’n dankie gee
maar voel hartsklein
soos ’n mosterdsaad.
Tinktinkies word deur U versorg
en hulle dartel van dagbreek
tot sonlig groet.
Geen hongersnood
deel hulle dag;
geen kommer
oor wat more wag.
Ook het U met Skeppingtyd
vergeet om wraakgedagtes
aan hulle uit te deel.
Kan U onthou, ’n tyd gelee
het U aan my genade gegee,
my wraakgierige menswees
van my weggeskeur?
Nou kniel ek dankbaar
tot op die vloer,
want ’n mensekind
is deur die dood
geroep na U troon.
Tussen ons was daar eens
woorde-wrywing gewees,
maar nou kan ek weet:
vergifnis tussen ons
was altyd deel
van U groot plan gewees.
:grommit:
-
Kry ek hoendervleis Adéle. Werklik mooi geskryf.
-
So mooi geskryf.
-
baie dankie vir jul "hou van' :love7:
:grommit: