Die Afrikaanse Forum
Woordskuur => Gesegdes van toeka tot nou => Topic started by: Meraai vannie Baai on December 02, 2012, 02:41:56 AM
-
PM:
* ... gryp jy nou my hartsnare en draai dit in 'n hartjie!
* Ek sien gereeld vir Saartjie Baardman in die spieël.
Willa:
* ... 'n portjie in die hand en 'n appletjie op die skoot - nou that is life!
Elizabeth:
* Ons knyp al ons tone, duime en vrinners (soos die Gr. Eentjie gesê het!) styyyyf vas!
Trapsoetjie:
* Ek is nou so opgerol soos 'n tolbos wat wag vir 'n windjie. Agghrrr.
Adele:
* ...ek staan nog toon-inni-sand.
Angelica:
* My 'paadjie' in my brein is besig om grassies oor te groei.
Fransi:
*As ek stil raak en lyk asof ek wegraak, roep asseblief net my naam en ek sal wel probeer dink aan iets om te sê. :-)
Naas:
* Gesels gister met my vrou se ginikoloog. Weet hy my te probeer oortuig dat 'n barmoeder nie 'n kroegmeisie is nie. Wil jy nou meer. Sewe jaar geleer en nog steeds dom...
Louis weka:
* Daar bestaan nie so 'n ding soos iemand wat die werking van 'n vrou se kop ken nie. Dis 'n myth - pie in the sky.
Gawelina:
* Hier kruip Gawie nader. Nog effe deur die blare - the morning after the night before - julle weet mos.
Bloubefoeterd:
* Tyd is 'n skelm swerkater. Moenie agteruit in die toekoms inloop nie jy gaan struikel en val.
Meraai:
* Grynslag ek kwart-voor-nege vir julle!
Wêrelde Weg:
*... al hierdie woorde maak my kop deurmekaar al wat ek sien is mooi mooi...
-
Willa: Tensy iemand my sponsor om weg te gaan, bly ek net hier.
Angelica: Ons is maar net mens en as die jas oor jou skouers val, val hy swaar.
PM: Ek sit so alleen, tot my skaduwee het my verlaat!
Naas: Mans raak vooruitstrewend van te veel eet, vrouens kry agtergrond.
-
My goeie ou vrind Joe Mulder het die volgende idiome kwytgeraak:
Wit ooghare soos 'n creameryvark
Klein koppie soos 'n siek tier
Haasbek soos 'n waenhuisdeur
Groot gat soos 'n petroldrom
Dun nekkie soos 'n present kierie
Hang gevreet soos 'n saalsak
Groot hande soos 'n piesangtros
-
Naas:
Klein koppie soos 'n dowe katjie
Klein koppie soos 'n partytjie frikkedel
Dom soos 'n deurstopper
Knypknieë soos ’n grooteier-koei
So dronk soos 'n spook
Lieg soos 'n tandetrekker/ prokureur/ politikus
Wye neusgate soos ’n flou perd
Groot ore soos ’n bakoond
Wye voete soos 'n werfmakou
Wegstaan-voortande soos ’n stalvurk
Hol toonnaels soos ’n soplepel
Hol wange soos ’n toegeslane brood
Skurwe pote soos ’n vleipatat
Kort en dik soos ’n petrolblik
Bak ore soos 'n vandisie koei
Krul hare soos 'n vandisielam
Hang gesig soos 'n vandisiedonkie
Uitstaantande soos 'n vandisierot
Hier en daar tande soos 'n vandisieklavier
Groot neusgate soos 'n vandisievark
Skerp gesig soos 'n kwartpond kaas
Lang gesig soos 'n donkie wat afdraend vreet
Lang kop soos 'n bazaar brood
-
Naas: Solank die Kaap Hollands is kry jy my nie in Zululand nie. Ek weier om in daai slaggat te trap.
Manlike vorm van PMS is stingelstress
PM: Mooi was nog nooit lelik nie en lekker was nog nooit sleg nie!
Lox: My ouma het altyd geseg " cut your nose en spite your own face"
-
Gaweline: oeee ek was gisteraand uitgedraai soos 'n zol
Lorraine: Oink! Nou is ek weer so gelukkig soos 'n vark in Ploemfotein!
Piet Magriet: My bankbestuurder kruip op sy knieë voor my: Ag asseblief Mevrou, kan u nie asseblief net een ou betalingkie maak nie! Asseblief! En hy kruip SY knieë deur. Ha-haa!
Naas: My bankbestuurder sê nou die dag ek kan maar sit. Nee wat, sê ek, ek is gemaklik so op my knieë.
Moenie lat iemand dit hoor nie maar daar was 'n tyd wat ek ook my lyf probeer verkoop het. Dit hettie gewerk nie, ek moes inbetaal.
Ek is mos maar 'n depressiewe optimis en dink partykeer terug aan die goeie ou dae toe daar nog 'n noorderlig geskyn het, voor aardverwarming. (onthou selfs nog my laaste gesprekke in die hospitaal voor die dooie see sy laaste asem gelaat het.) En dan vat die verlang my aan die keel.
Soms is die ou grootsmurf so skerp soos 'n spelonkwindjie. Jy weet mos daai windjie wat uit die suide waai en deur man se broek gaan sonder om 'n gaatjie te los.
Hulle sê as jy 'n strooitjie in 'n hond se skzouz druk kan hy nie kompressie opbou om te blaf nie want sy wind gaan agter uit. Nou as ek diep maagdelik lag knyp ek alle uitgange toe en lag met ALLES wat ek het.
Gat-tussen-die-knieë se i-pod/telefoon het ook 'n draad... na sy ore waar daar ekstra niks is.
Ons het 'n persiese mat gehad. Ek wonder wat daarvan geword het want as ek op hom kon sit sou ek ook seker Persiese kwatryne kon skrywe. En as ek nou nog 'n persiese pen gehad het... en 'n persiese kat. Oeee! 'n persiese kat.
Ek hoor dan die persiese katte vry net in kwatryne
My mond water die kole dood
Nou pomp my hart sjampyn en my ogies swem vol goudvissies lat die rooi op my se wangetjies skyn.
Moet ok weer my toonnaels nuwe dulux oprol.
Ns. En my oortjies gloei asof iemand hul nounet gedraai het.
Ek hoor die Sa Posdiens het eers laasweek Paulus se briewe aan die Phillipense afgelewer.
Ek verpes Vrydagge. Hulle is hopeloos te naby aan Maandagge
Ek het in my testament geskryf as ek my laaste asem blaas moet hulle my in my bed los, die buurman se hond sal my die volgende oggend wakker kry.
Mens gooi mossie rooi koeldrank en dan steek jy jou talente onner die vaatjie weg nie. Jy moes die bure se reaksie sien. Hulle was so opgewonde ek het vanmore twee paar nuwe skoene en ons hoef vir twee maande nie weer tamaties te koop nie. (As my vrou die lees bel sy die AA)
-
Gesegdes: saaN
* Maak soos 'n haas en vul die plaas
* My koppie raas mos partykeer soos 'n sokkerhoring.
* Julle laat my nou sommer toon innie sand voel en ek het net vanoggend 'n nuwe lagie dulux op my toondeksels gerol.
* Ek lig my kedotjie in erkinning vir grootsheid.
* Op my ouderdom vlieg die tyd mos in 'n Jet.
* Gaan nou katel toe slinger
* Ek haal my vrou se valstande uit voor ons gaan slaap.
* Peacefull sleep is goeie beskerming teen mislikkekiete.
Gesegdes: Juenka
* saaN jy is darem nog die skerpste potlood.
* Dit is kroeg praaitjies daai. Jy sal maar tussen die bene lyne moet lees.
Gesegdes: Gaweline
* Woes is hy inderdaad, maar nie wildewragtag woes nie.
* Om 'n vraag met 'n vraag te antwoord is deel van my "trade".
* Ok ma lekka stupid!
-
Oeeee ek het hierdie nou geniet, maar nou gaan ek eers maak soos beesmis en in die pad val. Hie hie hie
-
Dankie Raaitjie, dit is nou voorwaar Sondagvermaak vandag.
Ek het hierdie bydrae van Blouetjie vele male gesees en elke keer hou ek weer stil daar.
Bloubefoeterd:
Moenie agteruit in die toekoms inloop nie jy gaan struikel en val.
-
Bloubefoeterd som dit perfek op ne!! Lief dit net so. So van liefde geskryf: Tot my
vreugde spyt moet ek erken jy was alweer die slagoffer van 'n woorddief :icon_bigsmurf: :notworthy:
(http://i847.photobucket.com/albums/ab33/raaitjie/PMekliefjou.jpg)
-
Ek is nou so bly oor die vermaak uit toeka se jare, ek vry sommer 'n dinosaur oop mond. Maar terwyl ons nou so tong innie kies verkeer, dit bly maar 'n lekker plek om te plak op hierie forum.
:icon_bigsmurf:
-
Hê-hê, tong in die kies ja!
Jy is reg Naas. Raaitjie sorg ook altyd vir 'n verrassing! Nou verstaan julle hoekom ek die forum so lief lief lief.
Dankie Raaitjie, ek lief dit!
-
Annie:
*Agteros kom ook in die kraal
Hy is te prakties gebore om verder te leer en val sommer die volgende dag al in by die spoorweë.
*Jy is die ligstraal in my lewe:
Hierdie sunshine werk nou nie so lekker saam met die moonshine likeur nie
*Anders kan jy met hulle toor:
Hulle (mans) moet ook kan huil, anders raak hulle bebotterd.
*Naief:
Hy is soos ‘n oop boek, maar die bladsye is leeg (blank)
*Geheimsinnig:
Hy is soos ‘n toe boek, hy lees nie eers homself nie.
*Baie praat:
Hy praat so baie, tot die weerkaatsing in die spieël gesels terug.
*Tweestryd:
Hy kan nie eers met homself saamstem nie.
*Eensaamheid:
As jou mensejas met lugleegstes gevul is.
*Onnosel:
Hy is so toe, nie eers 'n liggie brand daarbo nie (in sy top story nie)
Die ligte is aan maar niemand is tuis nie.
Verlief wees:
Hulle het gaan wandel / Hy kyk haar leepoog aan
*Pakslae:
Jy gaan streepsuiker kry of laat die rottang praat!
*Koue:
Vannag ryp dit tussen man en vrou.
*Hierdie koppie het 'n gat in (as koppie tee of kopikofi heerlik smaak en te gou opgedrink is.)
-
Piet Magriet
*Mense wat in glashuise woon, moet nie met klippe gooi nie:
Mense wat in glashuise woon moenie kaal rondloop nie.
*Goedkoop is duurkoop:
Goedkoop is al wat ek kan bekostig!
*Grootpraat:
Moenie die kraan so wyd oopdraai nie.
Meraai vannie baai:
*Waar die hart van vol is:
Julle is kranige siele as die water begin loop ne ... ek lief dit!
Draai oop daardie krane susters, draai oop, laat die ABC vloei en die woordskure vul!
Adelhaide:
*Die kool is die sous nie werd nie:
Die water is die kraan nie werd nie
*Tjankbalie:
Haar krane is alweer oop.
*Skindernuus:
Modder uit die kraan
SueEe
*Ek is nou so kwaad ek kan slange vang:
My tweede naam is Magnesium en dit (gebeurtenis) was die aansteker!
*Jy dink ek is onder ‘n kalkoen uitgebroei:
Jy dink ek weet nie die kerkhoender is ‘n haan nie!
Ek weet ‘n mielie het die potensiaal om ‘n sak stampmielies te word!
Ek weet die hoender en die eier het voor die eier en die hoender gekom!
*Selfde foute oor en oor:
Hy is met 'n helmet gebore want hy maak aanmekaar droog en kry seer sonder om te leer uit sy foute.
*“saggies praat is duiwels-raad:
Julle praat so tot die duiwel skaam raak.
*Trou is nie perde koop nie:
Geen toetsrit vir hierdie merrie nie.
*ledigheid is die duiwel se kopkussing:
Jou horings gaan aan die kussing vasgroei as jy nie nou iets doen nie!
*moenie slapende honde wakker maak nie:
Ag nee man, moet jy nou weer die hele buurt wakker maak.
Sjuut, Wagter slaap.
*soos ’n volstruis sy kop in die sand wegsteek:
Passop, jy gaan nog olie raakboor.
Hy kyk alweer of sy boorgat droog is.
*Jy het 'n los mond:
Daar is geen geheime tussen die vat en die wyn
Daar is geen geheime tussen die druiwe en wingerdstok
Daar is geen geheime tussen die wingerdstok en die wyn
*As die kat weg is, is die muis baas:
En dan loop almal môre met 'wit muis' op hulle mou rond en dink hulle lyk kief!
*So skaars soos hoendertande:
So skaars soos soetkoek op ‘n kerkbasaar.
*eens in ‘n bloumaan: (once in a bluemoon)
Die dag as twee mane een hemel deel. (letterlik as jy twee keer ‘n volmaan kry in een kalender maand)
*blou Maandag:
Ja-nee, my dag is nou nie juis rooi nie.
*die dag as die perde horings kry:
Die dag as jy die perde van die bye kan skei. (perdebye)
*as die pôpo die fan strike:
Die dag as die wind self die koring van die kaf skei.
Haai, kan ek maar die fan aansit?
*so arm soos ‘n kerkmuis:
So arm soos ‘n ongelowige in Rome.
*Elke pot kry 'n deksel:
'n Skewe deksel kan nie reg gewys, gepraat, gehelp, gebid of reg gemoer word nie! Hulle het 'n skewe pot nodig!
-
Toe ek vanoggend die poskoets inwag, skitter hierdie woordskatte wat 007 laaaank gelede tussen die lyne van maters gegaps en bewaar het, weer daar. PM het dit ergens uitgegrawe en vir my aangestuur. My forumfamilie: ek lieffff julle en vandag het julle eie woordjuwele my weer van vooraf verlief gemaak op my taal!!
Naas:
*Ek verlang terug na die souspotte van Egipte:
Lê ek dan nou vroegoggend deur my sonde slaap ontneem en hou ek saam met jou straatpartytjie. En ek onthou van nie lank geleë wat ons sommer hier so forum langes 'n eierwit styf geklets het.
Dinge verander onveranderd voort en los heimweë in hul spoor.
*Wie is nou weer die vark in die verhaal?
Watter drommel slaap nou weer vanaand by die hond?
*Job se geduld:
'n Bietjie Jobsous is goedkoper op die moermeter as petrol.
*So by my kool:
Bring ek nou die koutjie by die tand!
*Ons bibber van die koue:
Ek slaap weer in my seebed met my scubauitrusting aan hier in die Kaap. Net my snorkel steek uit.
*Aardjie na sy vaartjie:
Elke hol isme is oorerflik. As jou oupa nie kinders gehad het nie en jou pa het nie kinders gehad nie gaan jy ook nie kinders hê nie.
*Moenie in sake krap wat jy niks van weet nie:
Moenie in my swembad pee nie, ek swem nie in jou toilet nie.
*Noag se dae:
Lank terug, so kwart voor die runderpes.
*Iemand se gedagtes te kan lees:
Julle sien dwardeur my soos deur 'n Windowlene venster.
*Jy speel kat en muis met my:
In ons dae was 'n muis iets wat die kat so nou en dan gevang het en vandag sit almal met een in die hand nê.
*Kloutjie by die oor bring:
Nou kan ek die kalkwater by die uitgroeisel bring en die pun verstaan.
*Is daar al 'n broodjie in die oond?:
Na drie jaar se oefening het ons 'n pragtige dogtertjie ryker geword en toe sy vier jaar oud was het ons 'n boetie gaan vang sodat sy kan popspeel.
*Hulle is die appel van my oog:
Die twee is die pynappel in my vrugteslaai.
*Dit reën katte en honde:
Dit reën nou verouderde tuiste-ingeneurs met stofsuiers hier by ons.
Dit reën Bantoe dames met wandelstokkies.
Ma se gesegde. "Dit reën en dis nat en die water die spat, maar mamma bak pannekoek."
-
Bloubefoeterd: 'n Paar idiome vir moderne afrikaans:
Iemand is so lusteloos soos 'n nat post toastie.
Iemand is so stadig soos 'n slak oor superglue
Iemand is so bedrieglik stadig dat jy voor hom in die grond vas tackle
Juenka:
Ek is so arm ek kan nie eers voer vir my nagmerries koop nie.
As my nagmerries my gevoer het was ek lankal besig met 'n baie lang tronkstraf.
Meng jou met die varke en die muslims gaan jou nie opvreet nie.
werelde weg:
ek voel so af vandag soos 'n sak nat patats ...
hang net aan 'n tak lepatolis as jy elke pot met sy deksel gaan oop maak sal jy sien dat die appel nie ver van die boom val nie.
aartjie na sy skroefie ...?
'n halwe paaseier is beter as 'n leë dop ...
as hy met die bybel onder die arm loop, loop hy gewoonlik met die duiwel in die gat...
as jy in 'n glaskas woon kan jy nie ruite stukkend gooi nie ...
as jy 'n koek met bitterheid in jou binneste bak, sal dit bitter smaak ...
as die dood aanboord kom dan raak die sakke leeg ...
amper soos die een: as die armmoede by die voordeur inkom loop die vrou uit by die agterdeur ...
Lepinotus Patruelis:
Seg Luis mos vir 'n trawant wie se bakkiesitplek gebreek het, maak dit vas met 'n nuwe moer. Hy seg toe Luis moenie so vloek nie. Seg Luis toe maar wat van 'n sesduimspyker deur die gat sit om die sitplek tot by die huis vas te hou? Seg hy toe mos luis is 'n prevert.
So ry hy toe maar baie ongemaklik tot by die huis, sonder om enige van die stukkies advies te volg. Morele lessie: As jy jou nie meng met die wat vloek en preverte is nie, het jy 'n baie ongemaklike rit ...
Of so iets?
-
Juenka:
*Daai boots is amper so gevaarlik soos my boobs. Ek bedoel nou in gewig.
*Na vandag wens ek dit was al gister!
*Ek het genoeg hare vir sewe kaal koppe. Het ook 'n natuurlike liewe Jesus perm.
*Glad nie maer nie maar ook glad nie gepla nie.
*Ek dra ook nie 'n rok ooit nie. Ek het 'n paar heavy metal t shirts waarmee ek met trots in die winkel rondloop.
*Make up - nee wat ek dra dit net as ek spook-spook saam met die kinders speel.
*By skoolfunksies sit ek heel agter by al die ander stout kinders en as my kind op die verhoog kom skreeu ek woooo wooo met my arm wat woes swaai.
*Ek ry 'n Nissan wat uitmekaar uit val al kan ek 'n nuwe kar bekostig.
*Ek draai my rug op rassistiese aanmerkings en staan op as iemand verneder word. Ek meng my soms met die semels maar sorg darem dat die varke my nie opeet nie.
PM:
*Ek sê mos, toe ek dertig was het ek gedink ek het die hele wêreld se kennis en ervaring, nou is ek twee maal ouer en nou besef ek eers ek weet nog net 'n klein bietjie, maar ai, more het ek dit ook weer vergeet.
*As ek eendag groot is gaan ek vir my 'n huisie daar koop. Een teen die rotse, daar waar die "stinkes" bly. Die wat stink van die geld!
*Vertel nou net vir my wat wil jy met kennis maak wat jy nie gaan gebruik nie? Sal dit nie daar lê om jou te koggel nie? Sal jy dit nie wil probeer om te sien of dit werk nie?
*My pa het altyd gesê, moet nooit iemand anders se intellegensie onderskat nie, hulle mag dalk net nie so dom wees as wat hulle lyk nie.
*Welkom Mis Piggy, nou is ons weer die vier "rakkertiers". (Gruwelsusters)
As ons gas nou opdaag is ons 'n mooi vers. Die kwatette en die koetotte!
*Maar my faks, dit is flippen eensaam! O hallie ha! Waar is Mevrou Varkie, ek mis haar stukkend by hierdie gesprekke!
*Buiten vir die mooi sterretjiesaande het die kragonderbrekings baie mense se finansiële ondergang beteken. 'n Hele paar het hul kerse aan alby kante gebrand en toe nie die mas opgekom nie.
-
Toe kom ek weer hierop af. Werklik woordjuwele.
-
En vandag kom plak ek gou weer een joune vas PM: 'n Vriend van my is skeef snaaks mal oor ougoed.
:notworthy: :headbang:
Terwyl ek so tussen die lyne dwaal spring die volgende twee ook sommer in die woordmandjie:
Gawelina: Ek is 'n paplepel - stir orals waar ek gaan.
PM: As jy vir liewe Heksie op haar besem gesien verbyvlieg het voor die maan, dan het jy my gesien.
-
Jis, ek het gister gou 'n draai daar gegooi. Hulle woonplek is oppad na die plek waar ons flitsplaat koop vir die dak. (Moes alweer aanvul)
Hulle het 'n gastehuis "B&B" en 'n restaurant op die perseel. Daar staan toe 'n ou motorvoertuigdeur. Ek dink dit was een van Henry Ford s'n. Siestog, het al baie beter jare beleef. :dontknow: Wat egter saak maak is dat hy "skeef snaaks mal" is daaroor. :icon_biggrin:
Hy het toe 'n ou radiogram, platespeler in 'n 1950 kassie waarvoor ek my eersgeboortereg sou verruil het! 'n Paar stokou verroeste nommerplate en "wheel caps". 'n Groot ronde Mobil advertensieplaat! Die kroeg se voorpaneel is van sinkplaat. Dit skep 'n heel ander atmosfeer. Ek sal gaan kyk as hy klaar alles gemonteer het.
-
Ek is groentjie diekant. Al die ougoete lei my in versoeking en ek probeer nie eers walgooi nie :angel8: