Die Afrikaanse Forum
Kom skryf saam in jou eie plekkie => Kom deel jou woordwerke => Elizabeth se plek => Topic started by: Elizabeth on August 12, 2012, 05:32:02 AM
-
Troos is ‘n vyfletterwoord -
vyf vingers aan een hand
een hand wat joune vashou,
één warm hand wat oor jou skouer kom vlerk
‘n toemaarkombers teen koue en pyn,
fluister vrede en vreugde
teen elke donker deurkosyn
Daar is troos in die warm boontjiesop
wat jy vir ons maak as die koue deur die sleutelgat klouter
en teen my bene kom opklim…
Troos lê jou oë vol
as jy my help onthou
aan al die dinge wat ek
so vreeslik vergeet
Troos is ‘n vyfletterwoord,
‘n koesterwoord
Troos is jy
-
Pragtig! Ek sal altyd onthou dat "troos" die mooiste woord in Afrikaans is, maar ek dink dit geld vir al die tale, mens spel dit net anders. :icon_biggrin:
-
So besonders mooi geskryf. Lieflik.
-
Oi joi joi, wat 'n mooi gesketste beeld van hoe die liefde kan troos! Pragtig verwoord! :notworthy:
-
Ek verstom my altyd aan die aantal kere wat 'n onderwerp gelees word, maar hoe min mense daar is wat kommentaar lewer.
Dankie Joe, dat jy hier kom wandel het en 'n voetspoortjie gelos het.
-
my woorde is uit my mond geslaan - in Engels, Afrikaans, Chinese en selfs my bietjie Duits en Italiaans daarmee heen .. al was uit spoeg is "WOW"
ek hoop dis in die boek!!
-
dis soooo mooi, vir weerlees bedoel :love7:
:grommit:
-
Ons voetspore by ander se sketse en gedigte is die kunsmis wat hulle ABC's laat groei! Ek wil aan alle lesers voorstel om kunsmis te strooi dat algar kan gedy in die proses!
-
Dankie Joe, jy het dit baie mooi opgesom matertjie. Ek kerm elke dag omdat daar so min komtare is, maar as jy kyk hoeveel keer die werk gelees word is dit wonderlik. Ons kry darem 'n bietjie blootstelling.
-
Nooit so aan die woord gedink nie. Maar dit is waar, dan stel jy dit nog so mooi ook.
-
Wat sal 'n ou tog doen sonder troos. Gewone troos en boeretroos. Daar is darem niks beter as 'n lekker beker sterk koffie om 'n mens weer moed te laat skep nie.
-
Lees oor 'n gas se skouer kom ek op hierdie skat af vanoggend. Pragtig en waar!
-
Dankie vir die aangee Raaitjie. Dit gaan lekker af, saam met die koffie.
-
Ons voetspore by ander se sketse en gedigte is die kunsmis wat hulle ABC's laat groei! Ek wil aan alle lesers voorstel om kunsmis te strooi dat algar kan gedy in die proses!
Is dit nie pragtig nie? Joe Daai Ou, waar is jy in die wêreld?
-
Ek wil weer vra, as julle iewers gelees het, los net 'n glimlaggie of 'n blommetjie of iets om te wys jy was daar. Los net 'n voetspoortjie.
:bootyshake:
-
Ek het nog gereeld kontak met Joe d.m.v FB se poskoets - sy woordeskat laat my gereeld proes. Die ou het ook maar sy eie skeet en kwaal wat hom opkeil maar hy skop nog al die pad tussen deur. Ek vermoed meeste ouens het hulle passwords hoeka verloor. Die dag as ek myself uitteken hier kan ek ook nie weer die deur oopsluit nie want my password sal ek in dag des lewens nooit weer onthou nie.
-
Huhhh! Moet ons dan hier 'n paswoordjie hê? :icon_scratch: :dontknow: terg sommer, maar as ek een gehad het, is dit lankal stroomaf, see toe.
-
Moenie komkommer nie. Met die dat Gawie gevra het vir 'n nuwe wagwoord het ek geleer wat om te doen. Gooi net daai briefie in my e-poshokkie, pm@afrikaanseforum.co.za en ek stuur gou vir jou 'n nuwe een.